I Yoannes 1_1 - SOMA CHHAD - CHHAMBO

¹ De sonluksi kasalpe luksiang mana chisneangna yodkhan ngantanga gokhan ngachi migunis thongkhan salpo base thongkhan yang ngachi laqpaun na thukskhan,

² — Yang sonlukspo ngonsuk yang ngachâ do thongsuk yang de chhebji tangsuk yang ata nanyambo yodkhan yang ngachika ngonkhan dyana rshtane lushi sonluksi phrinpo khyentanga tanged.

³ Ngacha thongskhan nang goskhan khyentangang ngacha nanyambo drespi phya khyentanga-ang phrin zered ang ngachi dreslukspo ata nanyambo yang khoe Rshras Yeshu Masih nanyambo yod.

⁴ Yang Ngachi thad-kha thsangskhan chhe phya ngachas diun zbrid.

⁵ Yang ngachâ khoekana goskhan yang ngachas khyentanga tangse yodkhan phrinpo dyu in : Chizesna Ashipa Od in yang khoeang thubmuntaqari mana yodmed.

⁶ Taqdir ngachas khona nyambo drese yod zore zercha yang muntaqariang druledna ni ngachas rdzon tanged yang mantaḵẖsi-ka drulbamed.

⁷ Amma taqdir kho odiang jukspao natsoḵẖs ngantnng odiang drulsna nganti bariang drese yod, yang khoe Rshras Yeshu Masihi khraqpos ngantang nyespaun saqikana daqchuged.

⁸ Taqdir ngantes ngantang nyespa medkhan in zere zeredna ni rangis rang lamstorla tanged, yang ngantiang mantaḵẖs yodmed.

⁹ Taqdir ngantes nganti nyespaun Khoa zerna ni Kho nganti nyespaun skyonzot bachiang yang ngantang kyaqkyoq saqiangna daqchukchiang rdyangchan nang khadrang in.

¹⁰ Taqdir ngantes nyespa baspamed zere zeredna, ni ngantes kho rdzonma rchochuged yang khoe kasalpo ngantiang med.