Zabbuli 53 - Baibuli Ekibono kya Katonda 2014

Musengwa Katonda ye neesiga

¹ Abasiru bakoba mu myoyo gyaibwe bati: “Katonda azirayo.” Baidhwire obukupya, era bakola ebyenhinhasa; boonaboona bakola bikyamu byereere.

² Katonda aba mu igulu yaalingirira ghansi, okubona oba nga mu bantu mulimu alimu amagezi, asinza Katonda.

³ Aye boonaboona baaghaba; boonaboona baagayaga obubi. Ghazira akola kituufu, ghazira naire omulala ati.

⁴ Aye abakozi b'ebibi bano, abalya abantu bange ng'oti balya mere, kiki kyene kye bataidhi, ekibalobera okusinza Katonda?

⁵ Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

⁶ Katonda agwananga yaaleetagho alizaawula Isiraeli ng'ava mu Sioni! Katonda oyo bw'aliiriza abantu be obukombe, aba Yakobo balisagamba, aba Isiraeli baasangaala.