Zabbuli 124 - Baibuli Ekibono kya Katonda 2014

Katonda akuuma abantu be

¹ Ha, ngoli Musengwa Katonda tiyali ku luuyi lwaife, abantu ba Isiraeli mukobe muti:

² “Ngoli Musengwa Katonda tiyali ku luuyi lwaife, abazigu lwe baatulumba

³ banditumaliireku obusungu, beegomba na kutumira bumire nga tumoga;

⁴ banditweyiiyaagho ng'oti mwidhuzo gwa maadhi; baatuyoolookeraku ng'oti n'omwiga ogw'amaani,

⁵ era twandifiire bubi ng'oti n'abatubira mu maadhi agali kwefuukuula.”

⁶ Musengwa Katonda asaakibwe olw'obutatulekera bazigu baife kutuzikiriza.

⁷ Tuwonie twalekuka ku mutego gwe batuteze; omutego gukutwike ife twawona!

⁸ Musengwa Katonda n'atubeera, oyo eyakola eigulu n'ensi.