Kalangan 13 - Kitab Injil and Kitab Awal-Jaman

Kalangan 13

Kalangan si Da'ud

¹ O Yawe, sumiyan aku patandung pabalik ni ataynu? Sumiyan ka pabaihu' ni aku pabīng?

² Sumiyan bahā' pahondong kalengog pikilanku itu, sabab llaw-sangom pasangdan na pa'in kasusahanku. Sumiyan pahali saga bantaku anganda'ug min aku?

³ O Yawe, Tuhanku, palingi' gi' ka anambungan aku. Pasawahun pang'nda'ku, da'a aku pasagarin amatay.

⁴ Sabab bang aku mbal dūlannu, tantu aku niudju' e' kuntaraku, yuk-i, “Nē! Tara'ug na ka!” Ati magkalasigan saga banta ma sabab kaiya'anku.

⁵ Saguwā' angandol sadja aku ma kasi-lasanu tuman, maka magkōg-koyag ma sabab kapanglappasnu.

⁶ O PANGHŪꞋ, magkalang aku ni ka'a, sabab kahāpnu ma aku mbal tapula'-pula'.