Mollurolovomato 26 - Gooti Toolluro Yogalokwono

Gooti toollu ilomoropiyo'moneyokwe Sel Ago tovi anakuuto tomuu kudo'aiko illukuroso'moneyokwe youro puul yakwollo'mo tovinokwono

³¹ “Youro kudo'aiko illukuroso'mo puul aro jakwollulo. Sillo gwagwajo kwabi'muullujo muja'jo togai'aro youro sugumaluko puuke'aro maropi dogiwolyakwollulo. Toro agiwolyakwollupi tovi a'mwo pi'mwo kuudokwe pwol seruubim ensel toorobusuko pworogai giwolyakwollonekono.

³² Toro agiwolyakwollupi tovi guu maro'bi akesiyo anyutuko aral aral toorai ki'duvolmwogapiyo'moneyokwe anyutuko su toorai gool tokwe luvomuugutowopiyo'bi silva anyutu'buuso sakwollubi tonyu muulludapibinekugono. Aki anyutuko su toorai youro ki'duvolmwogapiyo'mo sugwobi'mopto pun gool tovida'ai yakwollubinekugono.

³³ Toro yakwollo'bi youro kudo'aiko allukurosubi tov sugwobi'mopto su tonyu'aro ki'duvolmwogapibinekugono. Aki Subuu'yamjo'mo Bookis tov youro kudo'aiko allukurosubi tovi anakuuto tomuu kuulosubinekugono. Youro kudo'aiko su tov Gooti toolluro pwekwapto puruval tovallu dovorojapiyonokwono. Puruv Gooti toolluro pwekwapto torukono. Aki puruv Gooti toolluro pwekwapto kuunodo torukono.”