2 Samwel 5 - Gooti Toolluro Yogalokwono

Devitol Isuraiyolda'ai tonyuro a'mwo aguto kig kwimo'noka tovinokwono

¹ To'no'gwowi yiuwi'nokai Isuraiyolda'ai go'no go'no iko tovasuda'ai tooro Hibroon'no bino sumaveyokwe Devitollu buuru'maro'mno aro kuudoporogano. “Nevu guuge avaimujako kuunodonogano. Toro toonollu guu neya donekuu'nono.

² Aiyoga Soolol nemi a'mwo aguto kig nekullumo'nodowo po'dogalo mamollonekumokavlaiyajukekono. Toro yoduke kuvi kuruv guu tookuno'gwowi nemi molo yo'moneyokwe amollubworonekumokavlaiyajudekugono. Aki toro tookuji Gooti Yawel aro agudokaikono. “Guu moro a'mwo abolo Isuraiyolda'ai tonyu moduvomwallo'mo a'mwo aguto kig wimo'nubinekugono.” Agudokaikugono.” Kuudoporogano.

³ Toro wuujuno sumaveyokwe yiuwi'nokai Isuraiyolda'ai a'mwo aguto yovokwe abuuru'maropo su tooro Hibroon toru Deviteke i'bwo'no'mno Gooti Yawelluro sumdo tovi subuu'yamju sajunoporogano. Toro yajunyuno sumaveyokwe Devitollu a'mwo aguto kig imo'noneyokwe jeso'mo tooro oolip munyupto tokwe gamoro mido tovi aimovobweyoporogano.

⁴ Toro aimovobweyopo toga Devitol 30-pela kworomokwe tool a'mwo aguto kig sumo'nokaikono. Toro tool a'mwo aguto kig momjomwekovla'mno momjomwekovla'mno sumaiyokwe 40-pela kworomo tobuul kuuwolo'nokaikono.