Evvan 9 - Skolt Koltta Gospel of John 1988

Isõs pueʹrad čââʹlmteeʹm

¹ Da rääi mõõneen Isõs vuõiʹni åumma, kååʹtt leäi leämmaž čââʹlmtem juʹn šõddmest.

² Da suu mättʼtõspäärna kõʹčče suʹst: «Rabbi, ǩii tuejjii rieʹǩǩ, ååum jiõčč avi suu puärraz, što son õõlǥi šõddâd čââʹlmteʹmmen?»

³ Isõs vaʹsttii: «Ij ni ǩii leäkku tuejjääm rieʹǩǩ, ij ååum jiõčč jiâ-ǥa suu puärraz. Son šõõddi čââʹlmteʹmmen, što Vuâsppååʹd tuâj kuâsttjeʹčče suʹst.

⁴ Nuʹt kuuʹǩǩ ko lij peiʹvv, mij õlggâp tuejjeed suu reâuǥaid, kååʹtt lij muu vuõlttääm; puätt inn, kuäʹss ij ni ǩii vueiʹt reâuggad.

⁵ Nuʹt kuuʹǩǩ ko mon leäm maaiʹlmest, leäm mon maaiʹlm čuõvv.»

⁶ Nääiʹt ko Isõs cieʹlǩi, čoʹlǧǧii son jânnma da tuejjii čoolǥâst muâil da muâilain pååusai åumma čõõʹlmid

⁷ da cieʹlǩi suʹnne: «Mõõn da põõzzõõđ Siiloa lääddast» — tõt lij jåårǥlââʹtteeʹl: vuõlttuum. — Nuʹt son mõõni da põõzzõõđi da pueʹđi mååusat vueiʹnnʼjen.

⁸ Räʹjjla da tõk, kook leʹjje vuäinnam åumma äännmen, kõõjjee: «Ij-ǥo tät leäkku tõt ååum, kååʹtt åårai išttâd äännmen?»

⁹ Jeärraz cieʹlǩǩe: «Seämma ooumaž i lij.» Jeärraz eʹpet renste: «Ij leäkku, lij pâi suu nallšem.» Son jiõčč cieʹlǩi: «Kâʹl mon leäm seämma ooumaž.»

¹⁰ De sij kõʹčče: «Mäʹhtt ton ååʹn vuäinak?»

¹¹ Ååum vaʹsttii: «Tõt ååum, koon nõmm lij Isõs, raaji vuõddsest da čoolǥâst muâil da pååusai tõiʹn muu čõõʹlmään da säärnai muʹnne: ’Mõõn da põõzzõõđ Siiloa lääddast’. Da mon mõʹnnem da põõzzõʹttem da vueiʹnškuõʹttem.»

¹² Sij kõʹčče: «Koʹst son ååʹn lij?» «Jiõm mon tieʹđ», ååum vaʹsttii.

Farisõõzz kõõjjee puârrnam åummast

¹³ De sij viʹǩǩe suu, kååʹtt ouddâl leäi leämmaž čââʹlmtem, farisõõzzi årra.

¹⁴ Tõt peiʹvv, kuäʹss Isõs raaji muâil da pueʹrii čââʹlmteʹmes åumma, leäi prääʹzneǩ.

¹⁵ Nuʹt še farisõõzz kõõjjee suʹst, mäʹhtt son aaʹlji vueiʹnškueʹtted. De son säärnai siʹjjid: «Son pååusai čõõʹlmään muâilain. Da mon põõzzõʹttem da aʹlǧǧem vueiʹnškueʹtted.»

¹⁶ Tâʹl måtam farisõõzz cieʹlǩǩe: «Tõt ååum iʹlla Vuâsppååʹdest, ko son ij pââʹzzet prääʹzneǩ.» Jeärraz cieʹlǩǩe: «Vuäitt-a reäkksaž ooumaž raajjâd nåkam õmmsid?» Da sij leʹjje kõskkneez jeeʹres miõl.

¹⁷ Farisõõzz kõʹčče oʹđđest čââʹlmteʹmes åummast: «Mâiʹd ceälkak tõn oummust, kååʹtt pueʹrii tuu?» Da ååum cieʹlǩi: «Son lij profeʹtt.»

¹⁸ Leša juudlažneeʹǩǩ jiâ åskkam, što ååum leäi leämmaž čââʹlmtem da leäi puârrnam, ouʹddelgo viʹǩǩe suu eeʹjjes da jieʹnnes årra

¹⁹ da kõʹčče suännast: «Lij-ǥo tät tuännai päʹrnn? Lij-ǥo son šõddâm čââʹlmteʹmmen? Mäʹhtt son ååʹn vuäinn?»

²⁰ Suu puärraz vaʹsttee: «Kâʹl son lij muännai päʹrnnem da čââʹlmteʹmmen son lij šõddâm,

²¹ leša mäʹhtt son ååʹn vuäinn, jeäʹp muäna tieʹđ, jeäʹp-ǥa tieʹđ, ǩii lij suu pueʹrääm. Kõõččâd suʹst jijstes! Kâʹl son lij nuʹt puäʹres, što vuäitt jiõčč vaʹstteed.»

²² Nääiʹt suäna cieʹlǩǩe, ko suäna põʹlle juudlažniiʹǩǩin. Ko juudlažneeʹǩǩ leʹjje suåppâm kõskkneez, što tõt, ǩii ååskai suu Isõssân Kristõssân, õõlǥi räʹtǩǩeed ceerkvest.

²³ Tõn diõtt åumma puärraz cieʹlǩǩe: «Kõõččâd suʹst jijstes. Kâʹl son lij nuʹt puäʹres, što vuäitt jiõčč vaʹstteed.»

²⁴ Farisõõzz kõʹčče oʹđđest åummast, kååʹtt leäi šõddâm čââʹlmteʹmmen: «Muuʹšt, što Vuâsppåʹd kooll, mâiʹd ton mainstak, maainâst tuõđ! Mij tieʹttep, što tõt ooumaž lij reäkksaž.»

²⁵ Son vaʹsttii: «Mon jiõm tieʹđ, lij-a son reäkksaž avi ij; leša tõn mon teâđam, što mon leʹjjem ouddâl čââʹlmtem da ååʹn mon vuäinam.»

²⁶ De sij kõʹčče suʹst: «Mäʹhtt son pueʹrii tuu? Mäʹhtt son ääʹvii tuu čõõʹlmääd?»

²⁷ Son vaʹsttii: «Mon cieʹlǩǩem juʹn tõn. Mõõn diõtt tij jeäʹped kulddlam? Mõõn diõtt tij eʹpet tättveʹted kuullâd seämma ääʹšš? Tättveʹted-a tij še äʹlǧǧed suu mättʼtõspäärnžeʹnes?»

²⁸ Farisõõzz aʹlǧǧe suu viggted: «Ton täʹst leäk suu mättʼtõspäärnaž, leša mij leäʹp Moʹssai mättʼtõspäärna.

²⁹ Mij tieʹttep, što Vuâsppåʹd lij mainstam Moʹssja, leša koʹst tät lij, tõn jeäʹp tieʹđ.»

³⁰ Ååum vaʹsttii da cieʹlǩi siʹjjid: «Tõt-i lij täʹst nuʹt õõmâs, što tij jeäʹped tieʹđ, koʹst son lij, da seâža son pueʹrii muʹst čõõʹlmid.

³¹ Mij tieʹttep, što Vuâsppåʹd ij kuul reäkksaid, pâi tõiʹd, ǩeäk ciʹsttje suu da tuejjee suu täättas mieʹldd.

³² Iʹlla ni kuäʹss kullum, što ǩii-ne lij pueʹrääm čââʹlmteʹmmen šõddâm oummu.

³³ Ij son vuäitče ni mâiʹd tuejjeed, jõs suu iʹlleʹčče Vuâsppåʹd vuõlttääm.»

³⁴ Farisõõzz vaʹsttee suʹnne da cieʹlǩǩe: «Ton leäk rieʹǩǩest šõddâm ooumaž. Ton-ǥo täʹst äälǥčiǩ miʹjjid mättʼted?» Da sij vuâjte suu åålǥas.

Jiõglvaž čââʹlmteʹmesvuõtt

³⁵ Da Isõs kuuli, što sij leʹjje vuâjtam suu åålǥas; da ko son vuõiʹni suu, son cieʹlǩi suʹnne: «Ååskak-a ton Vuâsppååʹd Pärnna?»

³⁶ «Šurr, ǩii son lij?», ååum kõõjji. «Cieʹlǩ da mon ååskam.»

³⁷ Isõs cieʹlǩi suʹnne: «Ton leäk suu vuäinnam, da son lij tõt, koiʹn ton ååʹn säärnak.»

³⁸ Nuʹt son cieʹlǩi: «Šurr, mon ååskam»; da son kåʹmrdeeʹl moʹlidvõõʹsti suu.

³⁹ Da Isõs cieʹlǩi: «Mon leäm puättam maaiʹlme suudâd, što čââʹlmteeʹm äälǥče vueiʹnned, da tõk, kook vuäiʹnne, šõõddče čââʹlmteʹmmen.»

⁴⁰ Da måtam farisõõzz, kook leʹjje tõʹst ââlda, cieʹlǩǩe suʹnne: «Leäʹp-a mij še čââʹlmteeʹm?»

⁴¹ Isõs cieʹlǩi siʹjjid: «Ko tij leʹččid čââʹlmteeʹm, tij leʹččid määiʹmteeʹm, leša ååʹn tij ceäʹlǩǩveʹted: ’Mij vueiʹnnep’. Tij leäʹped veärla. Tij reäʹǩǩ pââšš.»