Selanîkî II, 3 - کتاب مقدس به زبان کردی شیکاکی

بُ مَ دعایا بِگَن

¹ له دوماییگه، گَلی بِرایا، بُ مَ دعایا بِگَن گو کلاما خاده زو پَخش بیت و احتراما وه بِتَ خُدان گِرِن، هَ وِسا گو ناو وَدا قَوِمی

² و اَم ژه دَسته مِرُوه پیس و خِراب خَلاص بِن. چون گو همو کَسه ایمان چِنینَ.

³ بله خاده وفادارَ. اَو دیه وَ تَقویَت گَت و دیه وَ ژه اَوه شُل پیس بِپارِزیت.

⁴ مَ ناو خاده دا راستا وَدا اطمینان هَیَ گو اون اَو دِشده مَ اَمِر گِری، دِگَن و اونه بِگَن ژی.

⁵ خاده دله وَ بِبَتَ بُ آلیه مُحبّتا خدا و طیگ راوَستانا مسیحْ.

هُشدار بُ به خیرَتا

⁶ نَهَ گَلی بِرایا، اَم بِ ناوه خادیه مَ عیسیْ مسیحْ بُ وَ اَمِر دِگَن گو اون ژه هر بِرایَگه گو به خیرَتی گِریَ پِشه خو و گورَیَگی وه رَسما گو اون ژه مَ فِر بونَ رِفتار ناگَت، خو دور بِگِرِن.

⁷ چون اون بوخو دِزانِن گو اون دِبی چاون ژه مَ نمونه بِگِرِن، چون گو وقته اَم گَل وَدا بون، اَم نه به خیرَت بون،

⁸ نه ژی مَ مفتَ نانه چه کَسه خار، بَلگو مَ شَو و رُژ شُل گِر و زحمت و ایزا کِشا گو اَم بُ چی یگ ژه وَ نَبِنَ بارگِرانی.

⁹ وِسا نینَ گو مَ حَقَگه وِسا چِنَبیت، بَلگو مَ دِخاست گو اَم ژه خو نمونَیَگه بِدَنَ وَ گو اون دَرسه بِگِرِن.

¹⁰ چون گو حتا وقته اَم گَل وَدا بون مَ اَوَ بُ وَ اَمِر گِر: «هَگو مِرُوَگ ناخازیت شُل گَت، بِلا رِسقی ژی نَخُت.»

¹¹ چون اَم دِبیهیسِن گو هِندَ مِرُوا ناو وَدا به خیرَتی گِرِنَ پِشه خو. اَو مِرُوَنَ شُل ناگَن بَلگو خو تِگَلی شُله خلقه دِگَن.

¹² بَجا اَم ناو خاده عیسیْ مسیحْ دا بُ مِرُوه وِسا اَمِر دِگَن و اَوان تشویق دِگَن گو آرام شُلا خو بِگَن و نانه خو دَرخینِن.

¹³ بله اون گَلی بِرایا، ژه قَنجی گِرِنه نَوَستِن.

¹⁴ هَگو مِرُوَگ ژه وان دِشده گو اَم وه نامه دا دِبِژِن اطاعته نَگَت، وی مِرُوی نیشان گَن و چه شُلا وَ وی نَکَته بیت گو شَرمه بِگَت.

¹⁵ بِ چاوه دُژمِنَگه نَبَرخودَنَ وی، بَلگو بینا بِرایَگه هُشداره بِدَنَ وی.

قِسه دوماییگه

¹⁶ نَهَ، خادیه آشتی و سِلامتیه، بوخو همو جاره همو آلیادا آشتی و سِلامتیه بِدَتَ وَ. خاده گَل وَ همویادا بیت.

¹⁷ اَز، پولس بِ خَطه خو وه سِلاوه دِنِویسِم. اَوَ نیشانا مخصوصَ تواوی نامه مِنِن؛ اَز وِسا دِنِویسِم.

¹⁸ لطفا خادیه مَ عیسیْ مسیحْ گَل وَ همویادا بیت.