Korîntî I, 3 - کتاب مقدس به زبان کردی شیکاکی

جُداتی کلیسایه دا

¹ بله گَلی بِرایا، مِن نَگاری گَل وَدا بینا مِرُوِت روحانی قِسَ گَم، بَلگو اَز گَل وَدا بینا مِرُوِت جسمانی و بینا مِرُوه گو ناو مسیحْ دا بِچوگه ساوانَ، قِسَ دِگَم.

² مِن اون بِ شیری تِر گِرِن نه بِ رِسقه گِران، چون گو اون بُ وه حاضِر نَبون و اون حتا نَهَ ژی حاضِر نینِن.

³ چون گو اون هِشتا ژی جسمانینَ. چون گو وقته ناو وَدا حسادت و شَر هَیَ، ما اون جسمانی نینِن و تِنه گورَیَگی رِیا بَشَری رِفتار ناگَن؟

⁴ چون گو وقته مِرُوَگ دِبِژیت: «اَز یه پولسِم،» و یگَ دی دِبِژیت: «اَز یه آپولسِم،» ما اون بینا مِرُوه دیَ دُنیایه رِفتار ناگَن؟

⁵ بَجا آپولس کِیَ؟ پولس کِیَ؟ اَو تِنه هِندَ خِذمَتکارِن گو خاده بُ هَریگه شُلَگ سِپاردیَ گو اون بِ واسِطا وان ایمانه بینِن.

⁶ مِن چاند، آپولس آو دا، بله خدا اَو مَزِن گِر.

⁷ بَهنده نه اَوه دِچینیت کَسَگَ و نه اَوه آو دِدَت، بَلگو تِنه خدا، گو مَزِن دِگَت.

⁸ اَوه گو دِچینیت و اَوه گو آو دِدَت، هر دوگ یگِن، و هَریگ گورَیَگی زحمتا گو کِشایَ دیه حَقه خو بِستِنیت.

⁹ چون گو اَم همکاره خدا یه شُلِنَ. اون عَرده خدانَ، عِمارَتا خدانَ.

¹⁰ گورَیَگی وه لطفا گو خدا دایَ مِن، مِن بینا معمارَگه هُستا خیم دانا و یگَ دی سَر وه وِیَ چه دِگَت. هر کَسَگ هیشیار بیت گو سَر وه خیمه چاون چه دِگَت.

¹¹ چون گو چه کَس نِگاریت خِنجی وه خیمه هاتی داناندِن، خیمَگه دی دانِت، اَو خیم عیسیْ مسیحَ.

¹² نَهَ هَگو هَچی کَسه عِمارَتَگه سَر وه خیمه بِ زِر، زیو، بَرِت بُها، دار، گیا آن بِ گا چه گَت،

¹³ شُلا هر کَسَگه دیه آشگَرا بیت، بَر خاطره هِنده گو اَو رُژ دیه وه آشگَرا گَت. چون گو اَو دیه بِ آگِری آشگَرا بیت، و آگِر دیه امتحان گَت گو هر کَسَگه چه شُلَگ گِریَ.

¹⁴ هَگو اَو شُلا گو مِرُوَگه سَر وه خیمه چه گِره بیت بَردَوام بِمینیت، اَو دیه خَلاته خو بِستِنیت.

¹⁵ هَگو شُلا مِرُوَگه بِشَوتیت، اَو دیه ضَرَر گَت؛ دوزَ گو اَو دیه نجاته پَیدا گَت، بله بینا مِرُوَگه یَ گو ناو آگِری دا دَرباز بویَ و جانه خو خَلاص گِریَ.

¹⁶ ما اون نِزانِن گو اون معبدا خدانَ و رِحا خدا ناو وَدا دژیت؟

¹⁷ هَگو کَسَگ معبدا خدا بَین بِبَت، خدا دیه وی بَین بِبَت؛ چون گو معبدا خدا مُقدسَ و اون اَو معبدِن.

¹⁸ بِلا چه کَس خو نَلِبینیت. هَگو ناو وَدا مِرُوَگ وَ فِکِر دِگَت گو وی زَمانَیی دا مِرُوَگه زانایَ، بِهلِن اَو به عاقل بیت، گو بَلگو زانا بیت.

¹⁹ چون گو حکمتا وی دُنیایه نَظَرا خدادا به عاقلیَ. وِسا گو کِتِبا ایوب پِیغَمبَردا هاتیَ نِویساندِن: «زانایان بِ حیله وان بوخو دیه بِخِنیتَ طَلِگه دا.»

²⁰ و دیسا زَبورا داووددا هاتیَ نِویساندِن: «خاده فِکره زانایان دِزانیت، و دِزانیت گو اَو پوچِن.»

²¹ بَجا چه کَس اِفتخاره انسانا نَگَت. چون گو همو دِشد یا وَیَ.

²² چه پولس، چه آپولس، چه کیفا، چه دُنیا، چه ژیان، چه مِرِن، چه اَو زَمانَ و چه زَمانه پاشوَقتیه، همو یه وَنَ،

²³ و اون یه مسیحِن و مسیحْ یه خدایَ.