Filîpî 3 - کتاب مقدس به زبان کردی شیکاکی

صالِح بون بِ واسِطا ایمانا ناو مسیحْ دا

¹ له دوماییگه اَی بِرایِت مِن، ناو خاده دا شاد بِن! نِویساندِنا عَینی دِشدا بُ وَ بُ مِن زحمت نینَ، بَلگو بُ اَمنیتا وَیَ.

² وان گوجِگا شار بِن! ژه اَونه شُل پیس خو دور بِگِرِن! ژه اَونه گو بَر خاطره سُنَت گِرِنه جسمه دِبِرِن خو دور بِگِرِن!

³ چون گو اَونه هاتی سُنَت گِرِن اَمِن، اَم گو بِ رِحا خدا پَرستِشه دِگَن و اِفتخارا مَ مسیحْ عیسایَ. و اَم هِتبارا خو جسمه ناینِن.

⁴ دوزَ گو مِن هَ بوخو ژی هِندَ سَبَب هَنَ گو هِتبارا خو جسمه بینِم. هَگو مِرُوَگَ دی گُمان دِگَت گو سَبَب هَیَ گو هِتبارا خو جسمه بینیت، مِن گَلَکتِر سَبَب هَنَ.

⁵ اَز رُژا هشته هاتِمَ سُنَت گِرِن، اَز بنی اسرائیلی مَ، ژه طایفا بنیامینی مَ، عبرانیَگِم ژه داییگ و بابه عبرانی؛ گورَیَگی شِریعَته، ژه فِرقا فَریسیامَ؛

⁶ گورَیَگی غیرته، مِرُوَگ گو اَذیَتا کلیسایه دِگِر؛ گورَیَگی صالِح بونا گو ژه شِریعَته تِت به عَیب.

⁷ بله هَچی دِشدا گو بُ مِن کار هَبو، مِن بَر خاطره مسیحْ ضَرَر زانی.

⁸ بَراستی، اَز بَر خاطره اَرزِشا زِدَیَ ناسینا خادیه خو مسیحْ عیسیْ، همو دِشدی ضَرَر دِزانِم. بَر خاطره وی مِن همو دِشد ژه دَست دایَ. مِن اَو بینا زِبله زانینَ، گو وِسا اَز مسیحْ بینمَ دَست.

⁹ و گَل ویدا بِبِمَ یگ، نه بِ صالِح بونا خو گو ژه شِریعَته تِت، بَلگو بِ وه صالِح بونا گو بِ واسِطا ایمان بِ مسیحْ تِت، اَو صالِح بونا گو ژه آلیه خدایَ و خیمه وه سَر ایمانه یَ،

¹⁰ گو اَز مسیحْ و قُدرَتا رابونا وی ناو مِریادا ناس گَم و ناو زَجره ویدا بِبِمَ شِریگ و ناو مِرِنا ویدا بِبِمَ بینا وی.

¹¹ گو هَچی جورا هَیی رابونا ناو مِریادا بینمَ دَست.

بَزین بُ آلیه آماجه

¹² وِسا نینَ گو هَ نَهَ ژی مِن اَوَ اینایَ دَست آن هَ نَهَ ژی کامِل بومَ، بَلگو اَز خو دِکِشِمَ پِش گو وه دِشده بینمَ دَست گو مسیحْ عیسیْ بَر خاطره وه اَز گِرِمَ یا خو.

¹³ گَلی بِرایا، اَز گُمان ناگَم مِن اَو اینا بیتَ دَست؛ بله اَز شُلَگه دِگَم: اَز دِشدا چُیی بیراخو دِبَم و خو دِکِشِمَ بُ آلیه اَو دِشدا گو پِشیا مِنَ.

¹⁴ اَز بُ آلیه آماجه، خو دِکِشِمَ پِش، گو اَز اَو خَلاته گو خدا بَر خاطره وه ناو مسیحْ عیسیْ دا بُ ژِلَل گازی مِن گِریَ، بینمَ دَست.

¹⁵ بَجا اَم اَونه گو بالغِن، دِبی وِسا فِکِر گَن، و هَگو اون راستا دِشدَگه دا جورَیَگه دی فِکِر دِگَن، خدا دیه اَوه ژی بُ وَ آشگَرا گَت.

¹⁶ تِنه بِهلِن اَم گورَیَگی هَچی دِشدا گو اَم گَهَشتِنه رِفتار گَن.

¹⁷ گَلی بِرایا، ژه مِن دَرسه بِگِرِن، و چاوه وَ وان مِرُوا بیت گو گورَیَگی نمونا گو وَ ژه مَ هَیَ، رِفتار دِگَن.

¹⁸ چون گَلَک مِرُو گو مِن راستا واندا گَلَک جارا گُتیَ وَ و هَ نَهَ ژی بِ رُنِگا دِبِژِم وَ، بینا دُژمِنه خاچا مسیحْ رِفتار دِگَن.

¹⁹ دوماییگا وان مِرُوا بَین چُیینَ. خدایه وان زِگه وانَ و اَو اِفتخاره شَرمزاریه خو دِگَن، فِکره وان سَر دِشده دُنیاییَ.

²⁰ بله وَلاته مَ اَسمانَ و ژه وِدَره یَ گو اَم چاورِیا اَوه نجاتگَر آنی خاده عیسیْ مسیحِن.

²¹ هَمَن اَو عیسیْ مسیحْ گو بِ وه قُدرَتا گو دِگاریت بِ وه همو دِشدی بِگَتَ بِن اَمره خودا، دیه بَدَنه مَ یه به چِنَ عوض گَت گو بِتَ سَر شِکله بَدَنه وی یا خُدان شُکوه و جلال.