YA-SFADOCI MRKV 7 - Hini Uwasi-u-Biadrcimowa 1929

¹ Chena ’n’tvsi u mrwvdwa-lutvwr-wrli nihki Palaseki chena nr-nakuti nihki yr-ivwigacki, Culosalame uci mahci biaki,

² macimi mahci nagaki yasi nrlatv u kvgahgimrfhi myrsi me-cilici u tvkuwhr-namwv, mvtv gifila-jrki galv.

³ (Xvga nihki Palaseki chena jrivhki nihki Josvki mvtv wr-wihfaneki, waci-waphi uwasi gifilajr-wrta, chena u pami foginr-nrwv ini u gahdr-cimowa-nwv nihki gigi-laneki;

⁴ chena ini tvh wedgegi ia humu-wrci nihki, mvtv wr-wihfaneki, waciwaphi ulalwe-wrta; macimi maci kutvgi wiahi mviahci utfaku-wrci wvhsi foginvmu-wrci, pami gifiniga-wanv taphikvnvki uci, chena ugrci-wvkugoki macimi ufrwvku-goki.)

⁵ Chena nihi Palasihi macimi nihi yr-ivwigalici u nvtuhdr-kuhi, Gociwa mvtv ini yr-lfaki gi kvgahgimrfvki ya-sfagi u gahdr-cimowanwv nihki gigi-laneki, wakv u meci-nrwv u tvkuwhr-namwv wivgila-jaki? u takuhi.

⁶ Macimi G’uwasi mosigesqr-cimakuwv Visviv gelvwv naluhci-lvwi-wahfeki, ya-lvwigagi ini, u talvhi; Yrmv lanvwa n’utvgala-maqv u sgisrwv uci, Wakv u tahiwv paluwr-mvtwi neiv uci.

⁷ Pvyaqv naluhci ni wr-usvsilvwa-hagoki, Pami kvgahgimi-waki gigamuh-grki nili ilaneki u gigamowa-nwv.

⁸ Ki nvkvdr-nrwv gelvwv ini u tapigamowa Mvnatu, macimi kid rye-tvtanr-nrwv ini u gahdr-cimowa-nwv ilaneki.

⁹ Chena, K’uwasi uqrwi si vlvwinr-nrwv ini u tapigamowa Mvnatu, wvhsi gelvwv manvwvhi gjetunv-maqa ki gahdr-cimowa-nwv, u talvhi.

¹⁰ Xvga Mosise, Utvga-lami g’uhfv macimi gi giv; chena, Inv ma-mvdrmrtv u fvli walr u gali, welrni inv napaga ini nabowa, iwv :

¹¹ wakv gelvwv ki ta iupwv, Qahqi ilani ilrta u fvli walr u gali, Hini mviahci manvwvhga naiahkv udwrfe-ivni nelv uci Grpani ini, Melofu Mvnatu, iahiugi ini;

¹² mvtv gidani welrni ki ta lalamrwv inv wvhsi wiahi si lvwihtv-wrci u fvli walr u gali;

¹³ ki pami mvtv-wiyafagi-sihdo-nrwv ini u kvlvwewa Mvnatu ki gahdr-cimowa-nwv uci, ini mviahci pvgfanv-maqa : macimi maci ineyagi wiahi ki tasi lvwepwv, u talvhi.

¹⁴ Chena u tah wihku-mvhi nuhgi nihi mahsa-lalici, chena Motvwiku jrivhki gelvwv, macimi nanuh-saku, u talvhi :

¹⁵ Mvtv-lrqv-wiahi frgici uci inv ilani bami weyrgi hayrlici u tvh kvtvwi myrs-haku inv; wakv nili wiahi inv ilani wa-moyrgi yoloni u mr-myrs-hakunv inv ilani.

¹⁷ Chena nihi mahsa-lalici ia huci becfrci ini wegiwv, u kvgahgimrfhi u nvtuhdr-kuhi ini pamrtuwawa.

¹⁸ Macimi Hv nahfrpi gelvwv yone yasi bur nanuh-srkvni-yaqa? u talvhi nihi. Hv mvtv ki nanr-nrwv yasi goqa-nalii-grci frgici waci inv ilani hayrgi, mvtv ini u tvh kvtvwi myrs-haku inv;

¹⁹ xvga mvtv u tahigi ha-yrli ini, u pahqvdrgi wakv, macimi ini si luhfaiv frgici? Yomv iwv, u pami fvfvyrgtu jrivhki wivufi.

²⁰ Chena iwv, Hinv wa-moyrgi ilani, ini u mr-myrs-haku inv ilani.

²¹ Xvga Irmagi uci, nili u tahiwv iianeki uci luhfaiv mvci mamagini-tahawanv, wabaladewanv, gimodowanv, nfadewanv, wrpvsiphiga-wanv,

²² hvhbaladewanv, mvjelafewanv, wvnimadewa, nrkvhowafewa, mvci-leqawa, lsgima-dewa, mse si tahawa, wvnihsvgrwewa :

²³ jrivhki yoliimv majrfigi wiahi Irmagi umoiv, macimi u myrsha-kunv inv ilani.

²⁴ Chena ini uci pvfaqi, chena wapfa ini sqriv Dryr chena Srtvne hawv. Chena uttv wegiwv macimi mvtv si taha ilaneli wih wrkutv-malici ini; macimi rlwiu gigifu.

²⁵ Wakv walanv iqawv, cvgi u drnahfa-fvli u bonv-mali wivgilah-feli, biawv, pami nodrga nili, macimi svhgigi si rgicfa ya-lvhfvmafi-dalici.

²⁶ Huwa Qegewi-iqa inv, Siliyawi-fanesiyawi lanvwa. Chena inv u nvnvhbrci-mrli nili wvhsi nili u drnahfvli uci luhfa-pvgilrci inv nili wivgilah-feli.

²⁷ Macimi, Welrni nihki vpaluhfvki nhihtv wih dabholoki : xvga mvtv ini uwasfanwi wvhsi mvmodagi ini u tvkuwhr-namwv vpaluhfvki macimi wvhsi ini wihseki ipvgitvmv-waci, u talrli nili.

²⁸ Pvyaqv inv rpvfsa macimi, Hvnkv, Dabalamiwatv; weginrqi nihki wihseki Irmitvhfv yr-tvh wihfanigi u meci-nrwv nili ba-gitahtvmu-wrci nihki vpaluhfvki, u tagoli.

²⁹ Macimi Xvga yomv iyowa uci nhrla ya-hrivni; inv wvninahfi gi drnahfvli uci luhfa, u talrli.

³⁰ Chena inv wapfa ya-drci wegiwv hawv, macimi u mkv-wrli nili vpaluhfvli saxinoli tfvnagi, chena inv wvninahfi mvtv-lrqv.

³¹ Chena nuhgi ini uci luhfa sqriv Dryr, chena biaci srpwi Srtvne ini Galalewi msi-napigi hawv, srpwi ini alagenv ini sqriv Tigapulvse.

³² Chena nihki u biatvwr-wrli nakuti ga-gapahsalici, macimi ba-bonvkv wa-tvmha-kuci u kvlvwewa-nagi; chena u nvnvhbrci-makuhi nihi wvhsi usgici nili si bonvgi u laci.

³³ Chena nihi mahsa-lalici uci tabrna si walrli nrnsihkv, chena u lacahi u be-drlvgahsa-nrli, macimi faqiwv, chena u pahsanrmv-wrli u welvnilici;

³⁴ macimi spamagi manqvtugi pami lrpi, chena msi lahfa, Iffvfv, u talrli, Tvwano-fulu, yahiugi ini.

³⁵ Macimi inv u tvwv-grwvli tvwano-dali, chena ini yayecfagi u welvni palskuh-grli, macimi tapinrqi kvlvwi.

³⁶ Chena u tapinvlaqi-mvhi nihi wvhsi bur nihki wetvmvwr-wrci ilaneli : pvyaqv yasi ini vlikv si tapinvlaqi-mrci, brmaci yone si vlikv lfwr-tutvmu-wrci ini nihki.

³⁷ Chena vnhiwawi si cihsi-tahaki nihki, Uwasi inv mahci-lutv jrivhki wiahi; wvhsi tapahsa-lici u tas’ hvhi weginrqi nihi gagap-salici, chena nihi gagapitu-nalici wvhsi kvlvwilici, iwvki.