YA-SFADOCI MRKV 3 - Hini Uwasi-u-Biadrcimowa 1929

¹ Chena uttv nuhgi ini msi-kvmiqi; chena ’n’tvsi vpiwv ilani ba-bonvkv vhkvpwi-lajawa.

² Chena nihki u gcitvwrpvmr-wrli, qahqi inv wih gegahrli nili tv hvlwrkvsi-gesagigi; wvhsi manvwvh-ga masdrwimf-wrci nihki.

³ Macimi Ini alaghi si pvfaqelu, u ta-lrli nili ilaneli ba-bonv-malici ini vhkvpwi-lajawa.

⁴ Chena u tah kvlo-lvhi nihi, Hv mvyrwvtwi ini vlwrkvhsi-gesagigi wvhsi wa-uwasrgi si lvwegi, walr wvhsi mvci-lvwegi? wvhsi wrpvnasdo-dagi lanvwa-wewa, walr wvhsi nsiwagi? Pvyaqv mvtv-lrqv tvsimoki nihki.

⁵ Chena iah mahci gryrukv si gisfi wrpvmrci nihi, dawvhi u mvci-lapwv-sgrku ini bami sepa-nilici u tahiwv, Mrsi jegi-lacas-grlu, u talrli nili ilaneli. Macimi inv mrsi jegi-lacaskv ini; macimi patagi sdodali u laci.

⁶ Chena nihki Palaseki luhfaki, macimi walanv weci nihki Halade-fvki u tapu-wrlr-wrli, wvhsi ma-nvwvhi mvci-lutvwr-wrci.

⁷ Macimi Jesise gilagi u kvgahgimrfhi ini msi-napigi si sr-wa : chena maci mahsa-lagiki Galale uci nakvsi-waki; chena Cudia uci,

⁸ chena Culosalame uci, chena Vidomia uci, chena vlikv ini Jrtane, chena gryrukv Dryr macimi Srtvne, maci mahsa-lagiki, pami nodrgaki jrivhki ini wiahi yasi lvwelici, u bialutvwr-wrli.

⁹ Chena u tah kvlo-lvhi u kvgahgimrfhi wvhsi cvgi ulvgasihi vhkv-wrpv-makuci, xvga nihi ya-fusgrlici uci, gikvmoci wih gipusgr-kuhi nihi :

¹⁰ xvga maci u mahci gega-hvhi; waciganvhi ya-tfwili-ci ba-bonv-malici vhqi-panawanv u fvgigahgr-kuhi wvhsi manvwvhga nihi pahsakuci.

¹¹ Chena nihi wivgilah-fihi, goqa-grci-lrqv u nvukuhi, rgicfahi ya-lvhfv-meci, chena wivkvho-tvmuhi, Gelv inv nili u Qihfvli Mvnatu, iwvki nihki.

¹² Macimi ulrmi u mvyrwi-mv-hi wvhsi bur wrkuma-kufi-hakuci.

¹³ Chena ini maqvhgigi si kuqicsi-nwv, chena utvhpi-mrli wi-yafvli inv ya-lala-mrci welv; macimi niheni utfa-kuhi.

¹⁴ Che-na u mvmvhi matvhfwi-gita-neswi, wvhsi nihi manvwvhga weje-makuci, chena wvhsi manvwvhga wrwenaskv-wrci wvhsi nvnv-himi-walici,

¹⁵ macimi bonv-malici simakufewa wvhsi luhfa-pvgilr-wrci wvninah-fihi :

¹⁶ chena Svimvneli Betv u ta hvnkvwi wenrli;

¹⁷ chena Jamseli nili u qihfvli Sapade, chena Jrneli nili u janinrli Jamse; macimi nihi, Boanvjes, u ta hvnkvwi wenvhi, nanamgi u qifhi galv ini :

¹⁸ chena Andlo, chena Filvbe, chena Pvfvlvmiu, chena Mafiyo, chena Drmusi, chena Jamse nili u qihfvli Vlfivs’, chena Fvtivs’, chena Svimvne, inv Ganvnewi-lani,

¹⁹ chena Jotvs’ Isgalade, ni-leni ma-masdru-hakuci nahfrpi. Chena wegiwr-pagi si biawv.

²⁰ Chena nihki mahsa-lagiki mrwvtwi biaki nuhgi, waciganvhi nihki ud rlwi kvtvwi meci-nrwv muhci tvkuwhv.

²¹ Chena wihgrnhi iah nodr-galici ini, luhfahi u mv-wi fogina-kuhi : xvga, Mvtv u wrkutv yasi lvweci, iwvki nihki.

²² Chena nihki yr-ivwigacki Culosalame waci biaci brlvc-sigiki, U bonrli Pialsipvleli, macimi Nili ugimv-osrkvn-wrli nihki wvninah-feki uci kvtvwi luhfa-pvgi-lvhi nihi wvninah-fihi, iwvki nihki.

²³ Chena u ta hutvhpi-mvhi nihi, macimi, Nahiwa wihsi kvtvwi Satane luhfa-pvgi-lrli Sataneli? u talvhi pamrtuwawanv.

²⁴ Chena qahqi ugimrwewa pvhfanade-yrga, ini ugimrwewa rlwi nepvweiv.

²⁵ Chena qahqi wegiwv pvfanade-yrga, wa hrlwi ilafeiv ini wegiwv wvhsi nepvwe-yrgi.

²⁶ Chena qahqi Satane mahci pvfaqicfv-tvga weiv, macimi pvhfahkv, mvtv ivh kvtvwi nepvwi, wakv jaiah-kufewa u bonv.

²⁷ Pvyaqv mvtv wiyafv ivh kvtvwi becfa ini wegiwv ya-dr-lici wrsikvtu-wilici ilaneli, macimi mvci-lutv-wrci u wiahe-milici, waciwaphi nhihtv inv gjepi-lrta nili wrsikvtu-wilici ila-neli; hina chena inv wah kvtvwi mvci-lutvmv-wrli ya-drlici wegiwv.

²⁸ Tapilo gi talapwv nelv, Jrivhki u mvjesilvwewanwv wah pvg-falatvmr-qihi nihi u qihfwvhi ilaneki, macimi u pvhdrmowa-nwv goqa-nahi grci nihki wah si pvhdr-moki :

²⁹ wakv goqa-nafv-grci wah pvhdr-mrli nili Ufapi Ucvjrlvhqvli u bonv mvtv-lrqvsi pvgfa-latv-mvwo-fowa, wakv mvci-lvwi goqa-lrqvsi majrfigi :

³⁰ xvga nihki, U bonrli wivgilah-feli iwvki.

³¹ Chena ’n’tvsi biali u gali macimi u janinvhi; chena, pami nepvweki frgici, nihki nili si wrwen-gaki utvhpimr-wrli.

³² Che-na mahsa-lagiki gryrukv lamvtv-beki nili; chena, wrpvmi, gi giv chena gi janinrki frgici gi nvtunahu-goki, u talr-wrli nihki.

³³ Chena ud rpvftv-wvhi, Nafvwa ni giv chena ni janinrki?

³⁴ Macimi gryrukv u tah wrpv-mvhi nihi la-mvtv-pilici gryrukv welv, Wr-pvmahku ni giv chena ni janinrki !

³⁵ Xvga goqa-nafv-grci wah si Ivwi ini u tasi tahawa Mvnatu, henv inv ni janinv, chena nit iqamv, chena ni giv, iwv.