YA-SFADOCI MRKV 2 - Hini Uwasi-u-Biadrcimowa 1929

¹ Chena Gabrnivme ia huttvgi nuhgi lrkufuku isi rnviuhqrci, ini tvlrcimupi yasi ini ya-drci vpici wegiwv.

² Chena maci mr-wvdwa-loki, waciganvhi mvtv-lrqv gidani dawrgi, mvtv, mvtv wegi-nrqi ini sqrdagi : chena u kvlo-lvhi ini kvlvwewa.

³ Chena biaki nihki, u biatvwr-wrli ilaneli vhqi-lugali nanagi-fewa, nyawi u nemr-wrli.

⁴ Chena ia hrlwi nihki mrlrqvhi bir-wrci nili xvga nihki ya-fusgrcki uci, u pvhginr-nrwv ini vpvhqahfacikv tv hvpici inv : chena iah mahci pukhvmu-wrci ini utah lrsiwanr-nrwv ini tfvni tv hvpici inv ya-qilugatv ini nanagi-fewa.

⁵ Chena Jesise u na-mv-wvhi u dapwahsawa-nwv nihki, Uqihfimv, gi mvjelafewanv pvgfa-ladota, u talrli nili ya-qilugalici ini nanagi-fewa.

⁶ Pvyaqv ’n’tvsi lamvtv-beki nr-nakuti nihki yr-ivwigacki, macimi pami ma-magini-tahaki,

⁷ Gociwa yrmv ilani vlvini si kvlvwi? pvhdrmu inv : nafvwa u kvtvwi pvgfa-ladrnv mvjelafe-wanv nakuti pvyaqv, Mvnatu inv? si tahaki.

⁸ Macimi walanv Jesise pami mosi-taha u cvjrlvhkugi yasi nihi yone si mamagini-tahalici, Irmagi weyrwv, Gociwa ki ma-magina-ladr-nrwv yomv wiahi ki tahi-wrgi? u talvhi.

⁹ Drniwa v-liwi wacihi, Hv gi mvjelafewanv pvgfa-ladota; walr tuga, Unsgrlu, chena mvmalu gi tfvni, macimi pamfalu, wvhsi ilo-fuci inv ya-qi-lugatv ini nanagi-fewa?

¹⁰ Pvyaqv wvhsi gelvwv manvwvhi wrkutv-maqa yasi inv u Qihfvli ilani bonvgi si-makufewa usgi-drmqa wvhsi pvgfa-latvgi mvjelafewanv (u tah kvlo-lrli nili ya-qilugalici ini nanagifewa),

¹¹ Gi tala nelv, Unsgrlu, mvmalu gi tfvni, macimi nhrla ya-drivni wegiwv u talrli.

¹² Macimi inv unskv, chena walanv u mvma ini tfvni, chena via wapfa ya-lvhfvme-wrci nihki jrivhki; waciganvhi jrivhki qvqahdrni-tahaki, macimi u wvhfr-ci-makuwhr-wrli Mvnadoli, Mvtv-lrqv ki namapa ini yagi yomv, iwvki.

¹³ Chena nuhgi ini sqrbiagi msi-napi hawv; chena jrivhki nihki mahsa-lagiki u mr-mvwrpvmr-wrli, macimi u kvgahgimrfhi.

¹⁴ Chena yasi mrlrqvhi pamfaci u nawrli Lefryeli nili u qihfvli Adfivs’ bami lamvtv-pilici yr-tv hini daxhiwagi, macimi Nakvsilu, u talrli. Chena inv pvfaqi macimi u nakvlrli.

¹⁵ Chena ini biami-kvtwi, yasi, lamvtv-pici tvh wihfanigi betiga ya-drci wegiwv, chena maci daxewi-mrwvtunigah-feki chena majela-ficki u wetvbemr-wrli Jesiseli macimi u kvgah-gimrfhi : xvga maci ’n’tvsi, chena nihki u nakvlr-wrli.

¹⁶ Chena nihki yr-ivwi-gacki Palaseki uci, iah namu-wrci yasi pami wihpu-makuci nihi ma-jela-filici chena daxewi-mrwvtunigah-fihi, Nahiwa ini yasi inv wihpu-mrci macimi wedrpuwa-mrci nihi daxewi-mrwvtunigah-fihi chena majela-filici? u talr-wvhi inv u kvgahgimrfhi.

¹⁷ Chena ini iah notvgi Jesise, Nihki wa-wesikvtu-wicki mvtv skvtv u ta la-la-mr-wrli nr-nvtvuci-galici, nihki ya-qilu-gacki wakv : mvtv ni bir wvhsi utvhpi-mvki nihki ma-yrwela-ficki, ma-jela-ficki wakv, u talvhi nihi.

¹⁸ Chena Jrne u kvgahgimrfhi chena nihki Palaseki pami fv-fvhqi ucigaki : chena biaki nihki macimi Gociwa Jrne u kvgahgi-mrfhi chena nihki Palaseki fvfvhqi ucigaki, wakv mvtv fvfvhqi u-cigaki gi kvgahgimrf vki? u takuhi.

¹⁹ Macimi Hv wih kvtvwi fvfvhqi ucigaki nihki ini uci uqihfi-mrki mvivgi-nhrkvnah-qawigr-nagi, ia-haiahi nili mvivgi-nhrkvnvli weci vbemaku-wrci? Irqvsi ba-bonr-wrci nili mvivgi-nhrkvnvli u weci vbemaku-wrli nili, mv-tv ivh kvtvwi fvfvhqi ucigaki, u talvhi Jesise.

²⁰ Pvyaqv nili grsagiki wah biaiv, ina nili mvivgi-nhrkvnvli wah mvmr-qeki, ina chena wah fvfvhqi ucigaki ina grsagigi.

²¹ Mvtv ilani u tvhsi gipuqrtv mrlaghi usgi-mutv gahtv betanikv-nagi : belapa ini ja-cvhtuqagi ini uci mvmvwi-waiv, ini mvivgi ini gahtv uci, macimi ini vliwi yasi lalgah-grgi macdota.

²² Chena mvtv ilani u tvhsi bonv mvivgi wveni gahtv wvenewi-bodrlr-wvhi; belapa ini wveni wah puhgi-casgrku-nrwv nihki bodrlr-wrki, macimi ini wveni myrlafeiv, chena nihki bodrlr-wrki : wakv mvivgi wveni usgi wvnewi-bodrlr-wvhi u drsi bonr-nrwv nihki.

²³ Chena ini biami-kvtwi, yasi pami srpwi hrci nili kvwvsqi-gitigrnv tv hvlwrkvhsi-gesagigi; macimi u kvgahgimrfhi, yala Ifa-lici, vlami gisgiqanv-mahi ini kvwvsqi.

²⁴ Macimi nihki Palaseki, Wrpvtvnu, gociwa yasi Ivwe-wrci nihki ini buryr mvyrugi kutalade-wa-nagi vlwrkvhsi-gesagigi? u takuhi.

²⁵ Macimi, Hv mvtv-lrqv gelvwv ki Irbrtudr-nrwv yasi lvweci Dapide, ia hvgrwr-feci, chena sqrlvwa, inv, macimi nihi ba-pvh wedfa-makuci?

²⁶ Yasi uttv-gi betiga ini wegiwa ya-drci Mvnatu ina iah mospi-makufewi mkvtau-kulvya-wici Apviafv, chena u meci ini ba-bonodagi tvkuwhv, bur-yr ini mvyrugi kutaladewa-nagi wvhsi mecigi waciwaphi nihki mkv-taukulv-yaki, macimi nahfrpi u melvhi nihi ba-pvh wedfa-makuci? u talvhi.

²⁷ Chena, Ini vlwrkvhsi-grsagigi usdrqi ilani, mvtv ilaneli usdrqi inv vlwykvhsi-grsagigi :

²⁸ waciganvhi inv u Qihfvli ilani dabalatvkv weginrqi ini vlwrkvhsi-grsagigi.