HINI UWASI-BIADRCIMOWA ya-sfadoci MAFIYO 26 - Hini Uwasi-u-Biadrcimowa 1929

¹ Chena ini biami-kvtwi, iah mahci lutvgi Jesise yolumv kv-lvwewanv,

² Ki wrkudr-nrwv mahci nesuku-nvgiga ini pamfrsiwawa bia-iv, macimi inv u Qihfvli ilani uwa wvhsi rsitafho-fuci si pvgfa-nofu, u talvhi u kvgahgimrfhi.

³ Hina nihki ugimrwi mkvtaukulv-yaki, chena nihi u gigi-lane-mwvhi nihki lanvwaki mrwvsgrki, ini yr-tvh tapuwaci inv mospi-makufewi mkvtaukulvia, Gayafase yr-lo-fu;

⁴ chena nihki tapatwi tapuwaki wvhsi manvwvhga masanr-wrci Jesiseli gemi-nhafewa uci, macimi nfr-wrci.

⁵ Pvyaqv, Tagi ini lrqvsi wa-wihfanci-gagi, belapa tvtvwrngawa wah pvfaqeiv alagnev nihki lanvwaki, iwvki.

⁶ Huwa Jesise Pafanagi ia hvpici, ini ya-drci Svimvne inv wa-sgilhvga-magitv,

⁷ ’n’tvsi utfa-goli iqali u pvh nemali ala-bastv-wvkugo-fagi vnhiwawa gisuwa-lamaqvtwi lumgowa, macimi nili welagi u tah feginv-mrgoli ini, yasi lamvtv-pici tvh wihfanigi.

⁸ Pvyaqv nihki kvgahgimrfvki iah namu-wrci ini, u bonr-nrwv gis-faqewa, Drniwa si wvlaskhu-dota yomv?

⁹ Xvga yomv lumgowa naiahkv manvwvh’ wih mahci gisuwi myagipi, macimi si meli-wapi inv gi-tamrfv, iwvki.

¹⁰ Pvyaqv Jesise u pami mola-latv ini, Gociwa gelvwv ki patfvg-hrwv inv iqawv? xvga-iu ni mahci pakvtanv-mrqv uwasi pakvtafewa neyrgi, u talvhi nihi.

¹¹ Xvga mosvtvwi ki bo-nrwv weci gelvwv inv gitamrfv; wakv nelv mvtv mosvtvwi ki bonipwv.

¹² Xvga ini inv u tah feginv yomv lumgowa neyrgi, hinv ini si lvwi wvhsi nvnvhi-lutv-mvwici ni lakuno-fowa.

¹³ Tapilo gi talapwv nelv, Goqa-tvsi-grci yomv uwasi-biadrcimowa wah nvnvhimi-wapi ini malsga ya-lakuqvh-kvmigigi, ini nahfrpi yrmv iqawv mviahci si lvweci wa hrtudota wvhsi mr-mkvwalamo-fuci inv.

¹⁴ Hina uwa nakuti nihki matvhfwi-gita-neswi, inv Jokes’ Isgalade yr-lofutv, nhawv nihi ugimrwi mkvtaukulviahi,

¹⁵ maci-mi Nahiwa gah si manwi melipwv, chena gah pvgfamo-lapwv inv? u talvhi. Macimi u kutvgoci-tvwr-wrli nihki nfwrpitvgi baxkvhki wrpi-muni.

¹⁶ Macimi ina lrqv uci inv u nvtunahv tvwrfewa wvhsi nili pvgfanvmv-wrci nihi.

¹⁷ Huwa ini wasgi grsagigi buryr unadagi-tvkuwhv uci nihki kvgahgimrfvki utfr-wrli Jesiseli, Drniwa tvsi gi tasi taha wvhsi usfado-lrga gelv wvhsi mecivni ini pamfrsiwawa? u talr-wrli.

¹⁸ Macimi inv, Nhrkuna ini udawa-nagi inv yone-si ’lani, chena, Inv Gagahgimiwa iwv, Ni ta Irqr-mafewa uwa nvhekv; ni gjetvwafi ini pamfrsiwawa ya-drivni wegiwr-pagi gilagi ni kvgahgimrfvki, ga hilrwv, u talvhi.

¹⁹ Macimi nihki kvgahgimrfvki ya-sfadrku-wrei Jesiseli si lvweki; chena usfado-nrwv ini pamfrsiwawa.

²⁰ Huwa ia hulrqe-figi, lamvtv-piwv tvh wihfanigi weci nihi matvhfwi-gita-neswi kvgahgimrfhi;

²¹ macimi yasi nihki pami wih-fani-wrei, Tapilo gi talapwv nelv, nakuti gelvwv nah masdru-haqv, isiwa.

²² Chena nihki vnhiwawi mvci-labwrki, macimi Dabalamiwatv, hv nelv? ut vlami ilr-wrli jrivki.

²³ Chena inv rpvfsa macimi, Inv wa-weci pamgr-mitv u laci ini ulrkv-nagi, henv inv nah masdru-haqv, u talvhi.

²⁴ Hinv u Qihfvli ilani nhawv, datapilvhi ini yasi mahtvwi-gagi : pvyaqv mvci-labwrwani cahi inv ilani waci srpuci masdruho-fuci inv u Qihvli ilani ! huwasrli ini iahgi inv ilani bur mahci lanvwa-wita, iwv.

²⁵ Chena Jotvse, inv mviasdru-hrtv, rpvfsa, Labrye, hv nelv? isiwa. Gi mahtuwa, ilofu.

²⁶ Chena yasi wihfani-wrci, Jesise u mvma tvkuwhv, macimi gisrciga, chena u puskunv ini; macimi u tah melvhi nihi kvgahgi-mrfhi macimi Mvmaku, meciku; vlv-yomv neiv isiwa.

²⁷ Chena u tah mvmrli taphikv-nvli, macimi meliwa niyrwa, chena u tah melvhi nihi, Manaku gelvwv jrivhgi ini;

²⁸ xvga vlv-yomv ni mskumi ini mahdrcimowa uci, fa-feginv-mvwo-fuci maci wvhsi mvjelafewanv uci pvgfafewa-nigi.

²⁹ Pvyaqv gi talapwv nelv, mvtv nah mana yoci inugi yomv ini tatapvh-taqi uci mvwifowa, brlu’ hvlrna grsagigi ina ini nih mana usgi weci gelvwv betiga ugimrwi-drmku-mi n’Uhfv.

³⁰ Chena nihki iah mahtakvmu-wrci ufapa-kvmowa, luhfaki ini Vlifiwi maqvhgigi haki.

³¹ Hina u talvhi Jesise, Jrivhki gelvwv gah gisfa-lapwv ne-vrgi inugi tapahgiga : xvga ini mahtv-wigapi, Nah gicitwhv inv gah-citvwv-hrtv magefhi, macimi inv nakudwa-lanv magefv mafhega wah si lfwal-gofu.

³² Pvyaqv mahci nelv unskrno-fuiv, Galalegi nahv mviuhqrci gelvwv, u talvhi.

³³ Pvyaqv Betv ud rpvftv-wrli macimi, Qahqi jrivhki gah gisfrgi gelv, mvtv nelv ni tvh gisfa-gopi, u talrli.

³⁴ Tapilo gi tala nelv, yasi inugi tapah-gigi, wihsi bur inv nrbaiv kvlho-tvgi nfana gelv gah gircimi, u talrli Jesise.

³⁵ Weginrqi qahqi qelvhi gah weci nabo-mala gelv, gawvgi mvtv gi tvh girci-mala, u talrli Betv. Heni-ivskv nahfrpi ya-lr-wrci nihki jrivhki kvgahgimrfvki.

³⁶ Hina uwa ’n’tvsi biawv Jesise Gafsamani sidota gilagi ni-hi, chena Lamvtv-piku gelvwv utvsi, Irqvsi vlrna hriv macimi mv-mrut-maiv, u talvhi u kvgahgimrfhi.

³⁷ Macimi Betvli ud rmwa-lrli chena nihi neswi u qifhi Sapade, macimi vlami uqrwafi mvci-labwrwa chena vhqi-patfvgifi.

³⁸ Hina uwa, Ni mvyrwi-neiv vnhi-wawi uqrwafi mvci-labwrwa, datapilvhi nabowafi : utvsi gelvwv vpiku, macimi weci gcitvwrfe-miku, u talvhi nihi.

³⁹ Chena vlikv si wapfa takvwihi, macimi mrsi ulamqi pvxinwv wadrbaci, chena mvmrtuma, N’Uhfahi, qahqi kvtvwi ini-ga, welrni yrmv taphikv pamfata neyrgi uci : pvyaqv, mvtv yasi tahaiv nelv, wakv gelv yasi taha-ivni, iwv.

⁴⁰ Chena nihi kvgahgimrfhi si biawv, macimi u mkv-wvhi nihi bami nabrlici, chena Betvli, Nahiwa, hv mvtv ki kvtvwi gcitvwrfe-mipwv nakuti yrtafvgi? u talrli.

⁴¹ Gcitvwr-piku macimi mvmrtu-maku, wvhsi bur gelvwv uttv-maqa ini myrsi-vshadewa : svpkvhi ini ilafewa hene si tahaiv, pvyaqv ini wivufi magihku-feiv.

⁴² Nuhgi mvwi-nesana wapfa, chena mvmrtuma, N’Uhfahi, qahqi yomv bur kvtvwi pamfa-yrga, waciwaphi nelv manaiv, gi tasi tahawa wa hisi lvwepi, iwv.

⁴³ Chena nuhgi biawv macimi u mkv-wvhi nihi bami nabrlici, xvga kufaqv-nili u sgesa-kuwv.

⁴⁴ Chena u nvkvlvhi nuhgi, macimi via wapfa, chena mvmrtuma mvwi-nfana Irqv, nuhgi nileni ivskv kvlvwewanv pami iwv.

⁴⁵ Hina uwa utfvhi nihi kvgah-gimrfhi, chena Uwa ivskv nabrku, macimi mvmaku kit vlwrkvhsewa-nwv : wrpvtv-muku, ini yrtafvgi uwa mrlrqvhi, macimi inv u Qihfvli ilani uwa nili u laci-wrki majela-ficki si masdru-hofu.

⁴⁶ Hunsgrku, wapfa-drku, uwa mrlrqvhi inv mviahdru-hitv, u talvhi.

⁴⁷ Chena ia-haiahi gawvgi kvlvwi-lici, cah yrmv, Jotvse biawv, nakuti nihki matvhfwi-gita-neswi, chena weci nili maci mahsa-la-giki u gisghikv-neki chena cifhikvnv, nihki uci ugimrwi mkvtauku-lvyaki chena lanvwaki u gigi-lane-mwvhi.

⁴⁸ Huwa inv ma-masdru-hrtv nili u melvhi nihi giginolowa, Goqa-nafv-grci nah pvcikvmv, henv inv : masanahku, isiwa.

⁴⁹ Macimi walanv inv Jesiseli si biawv, chena, Hai, Labrye, isiwa; macimi u pvcikv-mrli nili.

⁵⁰ Chena Jesise, Wihgrnimv, ini si lvwelu waci gelv birivni, u talrli. Hina uwa nihki biaki macimi u mvwinvchr-wrli nili, chena ud rmwa-lr-wrli.

⁵¹ Chena wrpv-mahku, nakuti nihki ba-pvh wedfa-mrtv Jesiseli mrsi lacaskv, macimi u luhfanv u gisghikv, chena u gisgah-sat-whrli nili ut vlolrkv-nvli inv mospi-makufewi mkvtaukulvia.

⁵² Hina Jesise, Yr-tv vdagi nuhgi si bonvnu gi gisghikv : xvga jr-ivhki nihki ma-mvmagiki ini gisghikv wa huci naki ini gisghikv.

⁵³ Walr tuga gi tasi taha yasi nelv rlwi kvtvwi nvnvhbrci-mvgi n’Uhfv, chena inv weginrqi inugi utvhfv nah laskv-mrqv ancvlihi vlikv tfwi ini matvhfwi-gita-neswi tfwa-lanv mahsa-lakv?

⁵⁴ Nahiwa uwa wihsi uqrufa-dota nili tapilo awigrda-wvli, wvhsi yone si qelv’ higi ini? u talrli nili.

⁵⁵ Hina yrtafvgi Jesise u talvhi nihi mahsa-lalici, Hv gelvwv ki biaei luhfr-pwv brsi ki mvwina-whrwv jekuni-wahfi ki gisghikv-nipwv chena cifhikvnv wvhsi masani-yaqa? Tfana wrpvgi nelv ni lamvtvpi betiga ini mvmrtumawi-kvmiqi ni pami kvgahgimiwa, macimi mvtv ki masa-nipwv.

⁵⁶ Pvyaqv jr-ivhgi yomv uwa biami-kvtwi, wvhsi nili tapilo ud awigrda-mwv nihki mrmosiges-qacki man-vwvh’ uqihfaki, u talvhi. Hina uwa jrivhki nihki kvgahgimrfvki u nvkvlr-wrli, macimi usimoki.

⁵⁷ Chena nihki mviahci masa-nrcki Jesiseli u tasi walr-wrli ini wegiwv ya-drci Gayafase inv mospi-makufewi mkvtaukulvia, tvh mrwvsgr-wrci nihki yr-ivwigacki chena nihki gigi-laneki.

⁵⁸ Betv wakv paluwi u tah nakvlrli nili, brlu’ hini yr-tvh tapuwaci inv mospi-makufewi mkvtaukulvia, macimi becfa, chena lamvtvpi weci nihi wiahsi-makufe-wanhi, wvhsi ini jaiahqi nagaci.

⁵⁹ Huwa nihki ugimrwi mkvtaukulv-yaki macmi jrivhgi inv dapu-watv u nv-tunahr-nrwv myrsi dabwawa wv huci nvlr-wrci Jesiseli, wvhsi manv-wvhga nabowa-nagi si bonr-wrci nili;

⁶⁰ macimi nihki mvtv u mgr-nrwv ini, waghi maci myrsi dabwawa-nvki biaki. Pvyaqv mviuhqrci biaki neswi,

⁶¹ macimi Yrmv ilani, Ni dabelafi wvhsi lekvta-nvmv ini u mvmrtumawi-kvmiqi Mvnatu, macimi upvtanvmv ini nfuku iwv, isiwaki.

⁶² Chena inv mospi-makufewi mkvtaukulvia pvfaqi macimi, Hv mvtv wiahi gid rpvftv? nahiwa ini iuhkumv ja-cvhtvwrci-mahgi? u talrli.

⁶³ Pvyaqv Jesise nolawi. Chena inv mospi-maku-fewi mkvtaukulvia Gi mvyrwi vhdoci-mala inv la-nvwawitv Mvnatu, wvhsi gelv wetvmvwi-yrga qahqi tuga geiv inv Klvisde, nili u Qihfvli Mvnatu u talrli.

⁶⁴ Gi mahtuwa, u talrli Jesise : Pvyaqv gi talapwv nelv, Yoci inugi gah nawrwv gelvwv inv u Qihfvli ilani pami lamvtvpi tv hini mvyrwen-gigi Wrsikvgi, macimi pami biawv usgici nili manqvtwi uci brfqvki u talrli nili.

⁶⁵ Hina uwa inv mospi-makufewi mkvtaukulvia u le-lalgi-nrnv u betanikvnv, Pvhdr-mowa mahtuwa inv : nahiwa gawvgi k’uci skvtv la-lamrpa dabwawa-nvki? wrpvtv-muku, uwa ki mahci nodr-nrwv ini pvhdrmowa gelvwv :

⁶⁶ nahiwa ki tasi tahapwv? u talvhi. Hrpvf-saki nihki macimi, Nvhekv ikufi nabowa iwvki.

⁶⁷ Hina uwa u f e-faqrlr-wrli ya-lrbalici macimi u be-puqi-lacwhr-wrli : chena nrlatv ut vpvgi-lajawi pgita-whr-wrli,

⁶⁸ Mosigesqr-cimuh-tvwi-nrga, gelv Klvisde : nafvwa inv ba-pgita-huhkv? iwvki.

⁶⁹ Huwa Betv frgici lamvtvpiwv betiga ini tvh tapuwagi : chena iqafvli utfa-goli, Gelv nahfrpi gi weciwi Jesise inv Galalewi-lani, u tagoli.

⁷⁰ Pvyaqv gircimu ya-lvhfv-melici jrivhki nihi, Mvtv ni wrkutv ya-iuivni gelv, isiwa.

⁷¹ Chena iah si luhfrci ini vwikvnafowigr-nagi, kutvkvli nuhgi iqafvli u nvu-goli, macimi inv, Vlv-yrmv ilani nahfrpi weciwi Jesiseli Nrsalafi uci, u talvhi nihi ’n’tvsi ya-pilici.

⁷² Macmi nuhgi gircimu gilagi mvci-kvlvwewa, Mvtv ni wrkumv inv ilani isiwa.

⁷³ Chena mviuh-qrci palocih lrqv nihki mrlrqvhi na-nepv-wicki biaki macimi, Da-bwawa nahfrpi nakuti gelv nihki; xvga ini gi kvlvwewa gi wrkuma-kufi-haku, u talr-wrli Betvli.

⁷⁴ Hina uwa inv vlami pvhdrmu chena mvci-kvlvwi, Mvtv ni wrkumv inv ilani, iwv. Macimi walanv inv nrbaiv kvlho-tvmwv.

⁷⁵ Chena u mkvwa-latv Betv ini kvlvwewa mviahci ikuci Jesiseli, Wihsi bur kvlho-tvgi inv nrbaiv nfana gah gircimi. Macimi luhfa, chena wihfvqa mvmyananilv.