HINI UWASI-BIADRCIMOWA ya-sfadoci MAFIYO 11 - Hini Uwasi-u-Biadrcimowa 1929

¹ Chena ini biamikvtwi ina Jesise u mahci tapigamvhi matvhfwi-gita-neswi u kvgahgimrfhi, ini-uci wapfa wvhsi kvgahgimiwaci macimi nvnvhimiwaci udawanwrgi.

² Huwa ina Jrne iah nodrgaci ini giphudewa-nagi nili u pakvtafe-wanv inv Klvisde, u tah macicimvhi u kvgahgimrfhi

³ macmi Hv geiv inv ba-birtv, walr tuga nih nvtvwrpvmrpa kutvkv? u talrli.

⁴ Macimi Jesise rpvfsa chena, Nhrkuna macimi wetvmvwahku Jrne nili wiahi gelvwv na-notvmaqa chena na-namayaqa :

⁵ nihki ga-gabeqacki utfakunrwv tapinvmowa, chena nihki ma-myrlvkvtuwi-grdacki pamodaki, nihki wa-sgilhvga-magicki fvfvyrghofoki, chena nihki ga-gabsaki nodrgaki, chena nihki na-pagiki unsgrnofoki, chena nihki gitamrfvki u bonrnrwv uwasi-biadrcimowa nvnvhimofoki.

⁶ Chena gisrdalamakufi inv, goqa-nafv-grci mvtv wa mkv wvh huci utvgikvhsinagi neyrgi, u talrli nihi.

⁷ Chena yasi iuhkumv hrwrci ya-hrwrci, Jesise ut vlami ilvhi nihi mahsalalici Jrneli isi, Nahiwa gelvwv ki mv’ wrpvdrnrwv waci ini belasgi si luhfryaqa? hv mfvsqvlwi nrnomi-luhvnwi?

⁸ Wakv nahiwa ki mv’ wrpvdrnrwv waci luhfryaqa? hv ilani betaniga skvnofi betanikv? Wrpvmahku, nihki br-betanvgiki skvnofi betanikv vbeki betiga ugimrwigrnv.

⁹ Pvyaqv gociwa gelvwv ki luhfrpwv? hv wvhsi nawaqa mrmosigesqatv? Hrnkv, gi talapwv nelv, macimi maci-laghi si vlikv mrmosigesqatv.

¹⁰ Hinv yrmv, waci ini mahtvwigagi, Wrpvmi, ni ta laskvwv ni mesvmrgamv ya-lvhfvmeivni, Hinv wah nvnvhih-fatu gi myawi ya-lvhfvmeivni gelv.

¹¹ Tapilo gi talapwv nelv, Alagenv nihki iqahi na-neginakucki mvtv mah’ pvfaqi ntvsi vlikv ya-lafitv Jrneli inv Fvfvhqi-ulalhiwawanv : pvyaqv inv macilofitv betiga ini wafapvh-kvmigigi ugimrwi-drmqa vlikv ilafi notv inv.

¹² Chena ina u kvgesakvnamv Jrne Fvfvhqi-ulalhiwawanv uci brlu’ hinugi ini wafapvh-kvmigigi ugimrwi-drmqa vhqimvwinvhgrta, macimi mvwinvhgawi ’laneki u mvmelowi-ludrnrwv ini.

¹³ Xvga jrivhki nihki mrmosigesqacki macimi ini kutaladewa mosigesqrcimoki brluhi Jrneli.

¹⁴ Chena qahqi gelvwv wvhsi utvh-panvmaqa si tahayaqa, Elvicv yrmv, inv wrsv birtv.

¹⁵ Hinv ba-bo-nvkv utvwvgrwvli wvhsi nodrgaci, welrni nodrgata inv.

¹⁶ Pvyaqv drniwa nelv nah si ilvwrtutv yomv-inugi sqewa? Brsi ini ilafeki vpaluhfvki bami lamvtvpicki nili yr-tvh we-wedgegi, nihki u wr-wih-kum rwvhi u weci-qvqilanemwvhi

¹⁷ macimi, Ki papiqahdolapa, macimi mvtv ki manyalapwv; ni mvwawvhodrpa, macimi mvtv ki mvwapwv, yr-wvki.

¹⁸ Xvga Jrne biawv mvtv pami wihfani nuhgi mvtv pami manwv, macimi, Hu bonrli wvninahfeli, iwvki nihki.

¹⁹ Hinv u Qihfvli ilani biawv pami wihfani macimi pami manwv, macimi nihki, Wrpvmahku, pkvmafiwi ’lani chena mvci wa-nafu, wihgrnwrli daxewi-mrwvtunigah-feki chena majelaficki ! iwvki. Macimi laburwa u tapvsvuhakunv u pakvtafewanv.

²⁰ Hina uwa ut vlami lsgidrnv nili udawanv tv hvlikv tfaki u pakvtafewanv mviahci lvwegi, xvga nihki mvtv mvtveni si tahaki.

²¹ Mvci-labwrwa cahi gelv si, Kulasine ! mvci-labwrwa cahi gelv si, Pafsaita ! xvga qahqi naiahkv nili mvgeci pakvtafewanv mahci Ivwega Dryrgi chena Srtvnegi mviahci lvwegi geyrgi, naiahkv nihki sahkvmikv wih mahci mvtveni si tahaki bedrkvni-mudrgi macimi pakugi.

²² Pvyaqv gi talapwv nelv, wa hini vliwi grgilwawafeiv Dryr chena Srtane ini ina jaiahqvh-kuwawi grsagigi, notv gelvwv.

²³ Chena gelv, Gabrnivme, hv wafapvh-kvmigigi gah si mosbalamakufi-hagopi? svhgigi gelv ga hv vhqinvmowa-nagi : xvga qahqi naiahkv mahci Ivwega nili mvgeci pakvtafewanv Srtvmegi mviahci lvwegi geyrgi, ivskv ini wah vhdawi brlu’ hinugi grsagigi.

²⁴ Pvyaqv gi talapwv nelv, wa hini vliwi grgilwawafeiv ini Srtvmewi vsisgi ini ina jaiahqvh-kuwawi grsagigi, notv gelv.

²⁵ Hina Irqv Jesise rpvfsa macimi iwv, Niyrwa gelv, O Ufimv, Dabalatvkv wafapvh-kvmigigi macimi vsisgi-drmqa, yasi gelv svpkv-hi gigitv-wvci yolumv wiahi la-burwafitv macimi na-nuhsa-wafitv, chena svpkvhi gi pvhginvmv-wrki nili vpaluhfa-fvki :

²⁶ hvnkv, Uh-fimv, xvga yoni yasi ini manwilr-svmvmowa-nigi gi ta lrbewa-nagi, iwv.

²⁷ Jrivhki wiahi naiahkv ni mahci biaci pvgfanv-mrqv n’ Uh-fv : macimi mvtv nakuti u wrku-mrli nili Uqihfi-mrli, waciwaphi inv Uhfimv; mvtv nuhgi svpkvhi wiyafv u wrku-mrli nili Uhfi-mrli, waciwaphi inv Uqih-fimv, macimi inv goqa-nafvligrci inv Uqihfimv si taha wvhsi pvhginvmv-wrci nili.

²⁸ Bialutv-wiku, jrivh-ki gelvwv br-pakvta-ficki qa-kufakulr-qicki, chena gah mela-lapwv vlwrkvhsewa.

²⁹ Mvmaku ni fvgiqa-howa, macimi wrkuta-f iku nelv; xvga ni nvnvhbrje-lafi macimi ni nvnvhbrci-tahawani : chena ga mgr-nrwv gelvwv vlwrkvhsewa mvyrwi-geyrnwrki.

³⁰ Xvga ni fvgi-qahowa wacihi-wvtwi, chena ni wewvsewa lrkvnofi.