WƖA YƖƖLAA 87 - WƖA TENIŊ

Yɩɩl-la Kora biiriŋ sɩ yɩa a bɛsɛ Jerusalɛm lɛ.

¹ Wɩa bil ʋ tabal-la gentine peel-la sɩ bɩ disiniŋ kɛnɛ baa yɩrɛ Zaayɔŋ nyuŋ nɛ.

² La Tɩɩna cho Zaayɔŋ a kɩɩ lere-la kala Iziral tɩŋŋaa sɩɩ jʋʋ.

³ Peel-la ba sɩɩ yɩrɛ Zaayɔŋ, ŋ ŋaa Wɩa taŋ nɛ, nʋʋkala bʋl wʋzɔŋŋɔɔ a tɩtɩgɛ ŋ lɛ.

⁴ Wɩa sɩ, “Mɩ jaŋ dɩɩsɛ Ijipiti a pɛ tinteye-la nɩaa sɩ jɩmmɛ lɛ. Ba nɛ: Babɩlɔŋ, Fɩlɩsɩtɩa, Fɔnɩɩsɩa arɩ Itoopia. Nɩaa jaŋ bʋl ba lʋl ba ma Zaayɔŋ lɛ nɛ.”

⁵ Wɩa sɩ kɩɩ kʋŋkala jaŋ leŋ dɩ ʋ jaŋ-la sɩ chɩŋ Zaayɔŋ lɛ kɛŋ doluŋ, dɩ nʋʋkala bʋl, “Ba lʋlla ma nɩmɛ nɛ.”

⁶ La Tɩɩna jaŋ ŋmʋnsɛ nɩaa yɩraa, dɩ ba ma ŋaa Zaayɔŋ nɩaa.

⁷ Ba jaŋ yɩɩ yɩɩlaa a gʋgʋa a bʋl, “La kʋzɔŋ-kala lɩɩ Zaayɔŋ nɛ.”