WƖA YƖƖLAA 62 - WƖA TENIŊ

Yɩɩl-la Devit sɩ yɩɩ pɩ gɔgʋ-hɩaŋ.

¹ Wɩa dʋndʋŋa lɛ nɛ mɩ dɩma jaŋ wuo na wiese, ʋ nɛ laamɛ tɩta.

² Ʋ dʋndʋŋa nɛ mɩ dɩ-duoŋ sɩ nagɛ bʋŋ arɩ mɩ Laataara. Wɩɩkala bɩ jaŋ wuo jigisimi.

³ Ɛɛ nɛ ma kala jaŋ yuyuo mɩ-na nɩɩ-la sɩ bɩ doluŋ kɛnɛ? Mɩ nagɛ jeeŋ sɩ yɛrɛ aŋ sɔgʋnɔ chɩŋ nɛ, a bɩra nagɛ lɩga sɩ boro.

⁴ Maa chɛ dɩ ma lɩɩsɛmɛ lee-la sɩ kɛŋ yɩrɩŋ lɛ nɛ. Ma cho wʋnyɩɛrɩŋ nɛ woruŋ. Ma yie kɛŋ niiŋ bʋl wʋzɔŋŋɔɔ pɩ nɩaa, aŋ kɛŋ tʋɔŋ ŋmɩɛsa hɛ ba lɛ.

⁵ Wɩa dʋndʋŋa lɛ nɛ mɩ yie na wiese. Mɩ yɩɛlaa kala hɛ ʋ lɛ nɛ.

⁶ Ʋ dʋndʋŋa nɛ mɩ dɩ-duoŋ sɩ nagɛ bʋŋ arɩ mɩ Laataara. Wɩɩkala bɩ jaŋ wuo jigisimi.

⁷ Wɩa nɛ laamɛ ta, a leŋ mɩ kɛŋ yɩrɩŋ. Ʋ nɛ ŋaa mɩ dɩ-duoŋ sɩ nagɛ bʋŋ, mɩ yie yuori.

⁸ Nandɔmba, má laa Wɩa dii bʋa na-kala, a dagɛ ma wʋwalɩmaa kala pʋ. Ʋ nɛ la yie yuori.

⁹ Nuhuobiine kala nagɛ peliŋ nɛ, la nɩbalaa arɩ nɩbiisiŋ kala bɩ kɩa kala ŋaa. Dɩ ŋ nɛ jomba a hɛ sanɩa lɛ a magɩsɛ, ba bɩ yuŋ kala kɛnɛ.

¹⁰ Má sɩ́ dol-la ma sɩɩ dii nɩaa lɛ kaa ŋmoo bɔyɛ, koo a kɛŋ gaarɩ-kɩaa dɩdagɛ ma tɩtɩa. Dɩ ma dʋa nɛ paala pʋŋa yʋgɛ ma, má sɩ́ ma yɩɛlaa joŋo hɛ ba lɛ.

¹¹ Wɩa bʋl wʋbala nɛ ka mɩ nɩɩ wɩaa balɩa: Ʋ sɩ doluŋ kala ŋaa ʋ-na Wɩa kʋŋ nɛ,

¹² chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.