WƖA YƖƖLAA 61 - WƖA TENIŊ

Yɩɩl-la Devit sɩ yɩɩ pɩ gɔgʋ-hɩaŋ.

¹ Wɩa, mɩɩ sʋlʋŋ, jegile nɩɩ mɩ nii-ŋmobo a laa mɩ sʋla.

² Mɩ hɛ dɩ-bolii nɛ aŋ yɩrɩŋ. Mɩ tʋɔŋ faasa chei nɛ mɩ ŋmoo niiŋ pɩpɩŋ. Laa mɩ sɩpaaŋ a kɛmmɛ kaa jɩl bʋŋ-la sɩ leŋie kɩɩmɛ.

³ Ŋ nɛ ŋaa mɩ dɩɩ-duo-la sɩ kɛŋ doluŋ mɩ sɩ yie yuori, a laa mɩ tɩtɩa mɩ dʋndɔŋŋɔɔ nɩsɩŋ lɛ.

⁴ Leŋ dɩ mɩ hɛ ŋ dɩa lɛ mɩ mɩɩsɩŋ kala lɛ, dɩ ŋ kɛŋ ŋ kɩŋkɛnsɩŋ chu tɔmɛ.

⁵ Wɩa, ŋ nɩɩ niiri-la kala mɩ sɩ hɛ pɩŋ nɛ, ŋɩɩ nɛ ŋ pɩmɛ kɩalɩŋ ŋ sɩɩ pɩ nɩalɩŋ kala sɩɩ ziliŋ.

⁶ Leŋ dɩ kuoro kɛŋ mɩɩ-duduoŋ, a hɛ nɩmɛ a dieni.

⁷ Wɩa, a leŋ dɩ ʋ dii kuoruŋ ŋ sɩpaaŋ a kaa mʋ wuu, dɩ ŋ pɔʋ arɩ ŋ wʋtɩtɩɩ arɩ ŋ chono-la sɩ bɩ dɛrɛ.

⁸ Ŋɩɩ lɛ nɛ mɩ jaŋ yɩɩ yɩɩlaa a dɛnnɩŋ, aŋ lɩɩsɛ niiri-la kala mɩ sɩ hɛ pɩŋ tapʋlɩɩ kala.