WƖA YƖƖLAA 54 - WƖA TENIŊ

Yɩɩl-la gɔgʋ-hɩaŋ Devit sɩ yɩa, bʋa-la lɛ Zif tɩŋŋaa sɩ sii mʋ Sɔɔl teeŋ a bʋl arɩ Devit nɛ faa ba jaŋ lɛ.

¹ Wɩa, ŋ yɩrɩŋ lɛ, laamɛ ta, ŋ doluŋ lɛ, leŋ dɩ nɩaa jɩŋ arɩ mɩ bɩ wɩɩ cheye.

² Mɩ Wɩa, jegile nɩɩ mɩ Wɩɩsʋlʋŋ, nɩɩ wɩalɩŋ mɩ sɩɩ bʋl.

³ Nʋhʋɔraa nɛ kʋʋ yuomi, nɩbɔŋŋɔɔ nɩɩ chɛ dɩ ba kpʋmɛ. Nɩalɩŋ kʋŋkala bɩ ŋ-na Wɩa ka fá.

⁴ Wɩa nɛ Nɩɩ-la sɩɩ pɛ mɩ lɛ. La Tɩɩna nɛ chagɛmɛ kɩɩ.

⁵ Joŋ ba wʋbɔŋŋɔɔ a gʋra dɔgɩsɛba. Cheiba a tɩŋ ŋ wʋtɩtɩɩ wɩaa.

⁶ Mɩ tʋɔŋ jaŋ tɔrɛ dɩ mɩ kɛŋ Wɩɩsʋlʋŋ kɩaa kʋ pɩŋ. Mɩ Tɩɩna, mɩ jaŋ dɛnnɛ ŋ yɩrɩ-zɔŋ-la.

⁷ Ŋ nɛ laamɛ ta mɩ wʋjʋʋlaa kala lɛ. Mɩ sɩɩŋ na ŋ sɩ yuo dii mɩ dʋndɔŋŋɔɔ nɛ.