WƖA YƖƖLAA 24 - WƖA TENIŊ

Yɩɩl-la Devit sɩ yɩa.

¹ Dʋnɩa arɩ kʋŋkala sɩ hɛ ʋ lɛ ŋaa La Tɩɩna kɩaa nɛ. Nuhuobiinee kala sɩ hɛ tinteeŋ lɛ ŋaa ʋ kɩaa nɛ.

² La Tɩɩna ŋaa tinteeŋ a daŋ mʋgʋ-balaa nyuŋ nɛ, a leŋ ʋ chɩŋ lɩɩŋ nyuŋ kpaŋkpaŋ.

³ Kʋbɛɛ nɛ jaŋ wuo jɩl La Tɩɩna peel-la? Kʋbɛɛ nɛ jaŋ wuo chɩŋ Wɩa dɩɩ-bal-la sɩ bɩ disiniŋ kɛnɛ tʋɔŋ?

⁴ Nɩɩ-la sɩɩ ŋaa wʋzɔŋŋɔɔ a kɛŋ tʋɔpʋla, a bɩ vʋɩyaa ka kpaarɛ koo a nyɩɛ wɩaa aŋ ŋmɩŋmɩɛsɛ.

⁵ La Tɩɩna jaŋ pɛ nɩdoho-la lɛ, Wɩa jaŋ laaʋ ta a dagɛ arɩ ʋ bɩ wʋcheeli kɛnɛ.

⁶ Nɩdosunuŋ deemba dʋndʋŋa nɛ jaŋ wuo mʋ Wɩa sɩpaaŋ a dɛnnɛ ʋ-na Jekɔb Wɩa.

⁷ Má kɛŋ boi-baalaa suri, má suri boi-bɩnɩa-la, dɩ kuoru-balɩŋ kʋ jʋʋ.

⁸ Kʋbɛɛ nɛ ŋaa kuoru-balɩŋ deeŋ? Ʋ nɛ ŋaa La Tɩɩna, Nɩɩ-la sɩ dolie a ŋaa laalɩyuori-duo.

⁹ Má kɛŋ boi-baalɩŋ suri, má suri boi-bɩnɩa-la, dɩ kuoru-balɩŋ kʋ jʋʋ.

¹⁰ Kʋbɛɛ nɛ ŋaa kuoru-balɩŋ deeŋ? Ʋ nɛ ŋaa La Tɩɩna, doluŋ kala Tɩɩna, ʋ nɛ ŋaa kuoru-balɩŋ.