WƖA YƖƖLAA 149 - WƖA TENIŊ

Má yɩɩ yɩɩlɩŋ a dɛnnɛ Wɩa

¹ Má dɛnnɛ La Tɩɩna. Má yɩɩ yɩɩl-falɩŋ a dɛnnɛ La Tɩɩna. Má dɛnnʋ dɩ ʋ nɩaa nɛ kʋ hilimi.

² Iziral tɩmma, má jʋjʋɔsɛ Nɩɩ-la sɩ ŋaa ma lɛ. Zaayɔŋ nɩaa, má leŋ dɩ ma tʋɔŋ tɔrɛ ma Kuoro nyuŋ.

³ Má du chenniŋ, a chɩgɩsɛ chɩnchɩgɩsɩŋ a yɩɩ yɩɩlaa a gʋa, a dɛnnɛ La Tɩɩna.

⁴ La Tɩɩna tʋɔŋ tɔrɛ ʋ nɩaa nyuŋ nɛ. Ʋ leŋe nɩalɩŋ sɩ kɛŋ ba tɩtɩa muuri yuo didii nɛ.

⁵ Wɩa nɩaa, má jʋjʋɔsɛ a tɩŋ ʋ sɩ zilma wɩaa, má yɩɩ yɩɩlaa a dɛnnʋ dɩ taŋ pʋl.

⁶ Má leŋ dɩ Wɩa dɛnnɩŋ hɛ ma niiŋ lɛ. Ka ma kori tokobiiŋ niiriŋ balɩa sɩɩ dii,

⁷ a joŋ ma baanɩŋ fɩɩsɛ tinteyee lɛ, a dɔgɩsɛ ba nɩaa.

⁸ Má kɛsɛ ba kuoroo hɛ kuroo, aŋ kɛsɛ ba sɩpaalaaraa ma hɛ chɔrʋmɔɔ.

⁹ Má dɔgɩsɛba arɩ Wɩa sɩ dagɛ ŋɩɩ, dol-la Wɩa nɩaa sɩ kɛnɛ nɛ ŋɩɩ. Má dɛnnɛ La Tɩɩna.