WƖA YƖƖLAA 141 - WƖA TENIŊ

Dɩdaanɩŋ Wɩɩsʋlʋŋ

¹ La Tɩɩna, mɩɩ yɩrɩŋ nɛ dɩ ŋ guu kʋ pɛ mɩ lɛ. Dɩ mɩ nɛ yɩrɩŋ, jegile nɩɩ.

² Leŋ dɩ mɩ Wɩɩsʋlʋŋ nagɛ kʋsʋɔrʋsʋŋ sʋara sɩ sɩma, leŋ dɩ mɩ nɩsaa mɩ sɩ kaa je ŋ teeŋ aa chʋɔlʋŋ ma nagɛ ba sɩ kpʋ pʋsʋŋ a sʋl Wɩɩsʋlʋŋ pɩpɩŋ dɩdaanɩŋ.

³ La Tɩɩna, pɛ mɩ lɛ dɩ mɩ jɩŋ mɩ niiŋ kɛnɩŋ, dɩ mɩ nɩɩ chɛ mɩ bʋl wɩɩkala.

⁴ Lɩɩsɛmɛ tʋɔbɩɩŋ bɔŋŋɔɔ lɛ, dɩ mɩ sɩ́ nɩbɔŋŋɔɔ lɛ pɛ a ŋaa wʋbɔŋ kala. Sɩ́ leŋe dɩ mɩ pɛ nɩalɩŋ sɩɩ ŋaa wʋbɔŋŋɔɔ lɛ, a dii ba gbiele kʋdiilee.

⁵ Leŋ dɩ tʋɔpʋl tɩɩna nɛ ŋmoomi, aŋ kɛmmɛ tʋra kɩɩ, ŋɩɩ nɛ zɔmɔ pɩmɛ. Ama mɩ bɩ chɛ dɩ nɩbɔŋŋɔɔ-na dagɛmɛ wɩɩkala. Mɩ sʋl Wɩa hɩhɛ ba wʋbɔmɔ-la lɛ nɛ bʋa na-kala.

⁶ Dɩ ba nɛ joŋ nɩbɔmɔ-la sɩpaalaaraa yuo ta dɩ ba lɩɩ bʋŋ nyuŋ lee-la sɩ leŋie a kʋ tuu tel, ŋɩɩ nɛ nɩaa jaŋ laa dii arɩ mɩɩ bʋl wʋtɩtɩɩba nɛ.

⁷ Ba jaŋ bʋl, “A nagɛ ba sɩ yie pɛrɛ a kɛŋ tinteeŋ bugili ŋɩɩ, ŋɩɩ tɩtɩa nɛ ba haŋgbelee pɩsa pɩŋ bʋa niiŋ.”

⁸ La Tɩɩna Wɩɩjarɩbakɔ, mɩɩ beŋ ŋ lɛ nɛ, ŋ nɛ mɩ yuori. Sɩ́ leŋe dɩ mɩ sʋʋ.

⁹ Pɔmɛ a lɩɩsɛmɛ bɛrɛ ba sɩ hɛ bil mɩ lɛ, bɛrɛ-la nɩbɔŋŋɔɔ sɩ bɛrɛ.

¹⁰ Leŋ dɩ ba bɛrɩsɩ-la kɛsɛ ba tɩtɩa, ka dɩ mɩ kiele bal suoo.