WƖA YƖƖLAA 14 - WƖA TENIŊ

Yɩɩl-la Devit sɩ yɩɩ pɩ gɔgʋ-hɩaŋ.

¹ Nɩyaaraa nɛ yie bʋl ba tʋɔŋ lɛ, “Wɩa tuo.” Ba ŋaa nɩa sɩ cheye nɛ, ba wʋŋaalaa lɔrɔ, ba kʋŋkala bɩ wʋzɔŋ ka ŋaa.

² La Tɩɩna hɛ ʋ jaŋ lɛ nɛ aŋ beŋ dɩ ʋ na wʋjɩnnʋ hɛ tinteeŋ lɛ a ŋaa wɩaa chɩchɛ dɩ ʋ jɩmʋ.

³ Ama nʋʋkala joŋ harɩŋ yɩa Wɩa nɛ a ŋaa nɩa sɩ cheye. Nɩbala ma paala tuo a ŋɩŋaa wʋzɔŋŋɔɔ.

⁴ Nɩbɔŋŋɔɔ, ma-na bɩ wɩaa wuo gʋnna pɩpɩ ma tɩtɩa koo? Ma vɩa dɩ ma chʋɔlɛmɛ nɛ, aŋ gɔllɔ kɛsɛ mɩ nɩaa liliŋ.

⁵ Fawʋllʋŋ jaŋ jʋʋma kɩŋkɛŋ, bɛɛ wɩaa Wɩa hɛ nɩalɩŋ sɩɩ to ʋ niiŋ teeŋ nɛ.

⁶ Ma wʋbɔŋ ŋaaraa nɩɩ chei wɩalɩŋ summoo sɩ vʋʋra, ama La Tɩɩna nɛ chu tɔ ba lɛ.

⁷ Mɩɩ sʋl Wɩa nɛ dɩ nʋʋ lɩɩ Zaayɔŋ lɛ a kʋ laa Iziral tɩŋŋaa ta. La Tɩɩna, dɩ ŋ nɛ bɩra pɛ ŋ nɩaa lɛ, Jekɔb doho nɩaa, Iziral tɩŋŋaa tʋɔŋ jaŋ tɔrɛ dɩ ba jʋjʋɔsɛ.