WƖA YƖƖLAA 137 - WƖA TENIŊ

Iziral tɩŋŋaa yel yoŋ-baga lɛ

¹ Bʋa-la lɛ la sɩ hɔŋ Babɩlɔŋ fuonu-la sɛmɛ, nɩmɛ nɛ la liisi Zaayɔŋ wɩaa a yel woruŋ.

² Tɩɩsɩ-la sɩ kpagɛ nɩmɛ nyuŋ nɛ la joŋ la chenniŋ a sagɛ.

³ Nɩalɩŋ sɩ yuo kɛsɛla kɔ nɩmɛ sɩ dɩ la yɩɩ yɩɩlaa, nɩalɩŋ sɩɩ dɔgɩsɛla chɩchɛ dɩ la yɩɩ yɩɩlaa arɩ tʋɔtɔrʋŋ a gbiele pɩba. Ba yie kpɩa la lɛ a bʋl, “Má yɩɩ yɩɩlaa sɩ mʋʋ tɩgɛ Zaayɔŋ lɛ a pɩla.”

⁴ Ɛɛ nɛ la jaŋ wuo ŋaa yɩɩ La Tɩɩna yɩɩlaa, la sɩ hɛ tintee-wogo lɛ?

⁵ Jerusalɛm, dɩ mɩ nɛ yʋ ŋ wɩaa, leŋ dɩ mɩ nadiiŋ nɩsɩŋ sʋʋ.

⁶ Leŋ dɩ mɩ nandelimiŋ mɛrɛ mɩ tilimiŋ lɛ, dɩ mɩ nɛ bɩ ŋ wɩaa liise, dɩ mɩ nɛ bɩ bɩɩna dɩ Jerusalɛm nɛ ŋaa mɩ tʋɔtɔrʋŋ kɩŋkɛŋ leriŋ.

⁷ La Tɩɩna, liise yi wɩɩ-la Ɛdɔm tɩŋŋaa sɩ ŋaa tapʋlɩɩ-la la dʋndɔŋŋɔɔ sɩ yuo dii Jerusalɛm lɛ. Ba sɩ, “Má chei taŋ-la a ŋmoo ʋ gentine kala lo muno muno.”

⁸ Babɩlɔŋ nɩaa, sʋʋŋ puuma nɛ. Nɩɩ-la kala sɩ jaŋ joŋ wɩɩ-la ma sɩ joŋo ŋaa la lɛ chɩmɩŋ a tiŋ ma lɛ, ʋ tʋɔŋ jaŋ tɔrɛ.

⁹ Nɩɩ-la sɩ jaŋ laa ma biiriŋ a joŋo vɩɩrɛ bʋŋ kpʋ, ʋ tʋɔŋ jaŋ tɔrɛ.