WƖA YƖƖLAA 136 - WƖA TENIŊ

Yɩɩl-la ba sɩɩ yɩɩ lɔllɛ Wɩa

¹ Má lɔllɛ La Tɩɩna, ʋ wɩaa zɔmɔ. Ʋ chonuŋ bɩ dɛrɛ.

² Má lɔllɛ Wɩa sɩ kɛŋ doluŋ a kɩɩ vesiŋ kala. Ʋ chonuŋ bɩ dɛrɛ.

³ Má lɔllɛ La Tɩɩna sɩ kɛŋ doluŋ kʋŋkala lɛ. Ʋ chonuŋ bɩ dɛrɛ.

⁴ Ʋ dʋndʋŋa nɩɩ ŋaa wʋkpuŋkperisiŋ. Ʋ chonuŋ bɩ dɛrɛ.

⁵ Ʋ wʋjɩmɩŋ nɛ ʋ kaa ŋaa wɩa-nyuŋ. Ʋ chonuŋ bɩ dɛrɛ.

⁶ Ʋ nɛ ŋaa tinteeŋ a daŋ lɩɩŋ nyuŋ. Ʋ chonuŋ bɩ dɛrɛ.

⁷ Ʋ nɛ ŋaa wɩɩpɔsʋŋ arɩ chɛnɛ. Ʋ chonuŋ bɩ dɛrɛ.

⁸ Ʋ nɛ leŋe wɩɩpɔsʋŋ pʋpɔsɛ wɩɩhɛyɛ. Ʋ chonuŋ bɩ dɛrɛ.

⁹ Ʋ nɛ leŋe chɛnɛ arɩ chɛnwʋlaa chɩchaanɛ tɩtaŋɩŋ. Ʋ chonuŋ bɩ dɛrɛ.

¹⁰ La Tɩɩna nɛ kpʋ Ijipiti tɩŋŋaa bii-bumbumba. Ʋ chonuŋ bɩ dɛrɛ.

¹¹ Ʋ nɛ kɛŋ Iziral tɩŋŋaa kaa lɩɩ Ijipiti tinteeŋ lɛ. Ʋ chonuŋ bɩ dɛrɛ.

¹² Ʋ naduo-la nɛ ʋ kaa laaba ta. Ʋ chonuŋ bɩ dɛrɛ.

¹³ Ʋ nɛ kɛŋ Mʋgʋ-fɩaŋ kpaa balɩa. Ʋ chonuŋ bɩ dɛrɛ.

¹⁴ Ʋ nɛ leŋe Iziral tɩŋŋaa to mʋga-la tʋtʋɔbaanɩŋ a lɩɩ. Ʋ chonuŋ bɩ dɛrɛ.

¹⁵ Ʋ nɛ leŋe Mʋgʋ-fɩaŋ-la lɩɩŋ tɔ Ijipiti tinteeŋ kuoro arɩ ʋ laalɩyuoroo kala ba sʋʋ. Ʋ chonuŋ bɩ dɛrɛ.

¹⁶ La Tɩɩna nɛ kɛŋ ʋ nɩaa Iziral tɩŋŋaa a gɔllɛ tintee-hɩlɩŋ lɛ. Ʋ chonuŋ bɩ dɛrɛ.

¹⁷ Ʋ nɛ kpʋ kuoru-balaa. Ʋ chonuŋ bɩ dɛrɛ.

¹⁸ Ʋ nɛ kpʋ kuorie-la sɩ kɛŋ doluŋ. Ʋ chonuŋ bɩ dɛrɛ.

¹⁹ Amɔrɩ tɩŋŋaa kuoro Sɩhɔŋ nɛ fa ŋaa ba dɔŋɔ. Ʋ chonuŋ bɩ dɛrɛ.

²⁰ Dɔŋɔ ma nɛ Basaŋ kuoro Ɔgɩ. Ʋ chonuŋ bɩ dɛrɛ.

²¹ La Tɩɩna nɛ kɛŋ ba tinteeŋ laa. Ʋ chonuŋ bɩ dɛrɛ.

²² Ʋ nɛ joŋ ba tintee-la a pɩ ʋ nɩaa Iziral tɩŋŋaa ba tɩɩʋ. Ʋ chonuŋ bɩ dɛrɛ.

²³ La Tɩɩna na hɛɛ-la tʋɔŋ la fa sɩ hɛ nɛ. Ʋ chonuŋ bɩ dɛrɛ.

²⁴ Ʋ laala ta la dʋndɔŋŋɔɔ nɩsɩŋ lɛ. Ʋ chonuŋ bɩ dɛrɛ.

²⁵ La Tɩɩna nɩɩ pɩ kʋŋkala sɩ weye kʋdiilee. Ʋ chonuŋ bɩ dɛrɛ.

²⁶ Má lɔllɛ Wɩa sɩ hɛ ʋ jaŋ lɛ. Ʋ chonuŋ bɩ dɛrɛ.