WƖA YƖƖLAA 130 - WƖA TENIŊ

Nʋʋ sɩ sʋl Wɩa dɩ ʋ pɛ ʋ lɛ

¹ La Tɩɩna, mɩ jʋʋ wɩaa magɛ baŋŋaa nɛ, a ŋmoo niiŋ pɩpɩŋ.

² La Tɩɩna, nɩɩ mɩ yele, jegile nɩɩ mɩ nii-ŋmobo-la mɩ sɩ ŋmoo pɩpɩŋ dɩ ŋ fá mɩ nenige.

³ La TƖƖNA, dɩ ŋ nɛ sɩ ŋ dɩɩsɛ la wʋbɔŋŋɔɔ, nʋʋkala bɩ jaŋ ka.

⁴ Ama ŋ nɛ joŋ wɩaa chɩchɛla, ŋɩɩ wɩaa ʋ maga dɩ la fáŋ.

⁵ Mɩ kɛŋ mɩ tʋɔŋ kala nɛ a gbɛrɛ La Tɩɩna. Mɩ gbɛrɛ nɛ dɩ ʋ pɛ mɩ lɛ. Mɩ joŋ mɩ yɩɛlaa kala hɛ ʋ niiŋ wɩaa lɛ nɛ.

⁶ Mɩ gbɛrɛ La Tɩɩna nɛ woruŋ a kɩɩ nʋʋ sɩ pɔ leriŋ a gbɛrɛ dɩ taŋ pʋl. Mɩ gbɛrʋ a kɩɩ nʋʋ sɩ pɔ leriŋ a gbɛrɛ dɩ taŋ pʋl.

⁷ Iziral tɩmma, má joŋ ma yɩɛlaa kala hɛ La Tɩɩna lɛ. La Tɩɩna chonuŋ bɩ dɛrɛ, ʋ kɛŋ doluŋ ma ʋ sɩ jaŋ laama ta.

⁸ Ʋ nɛ jaŋ laa Iziral tɩŋŋaa ta ba wʋbɔŋŋɔɔ kala lɛ.