WƖA YƖƖLAA 13 - WƖA TENIŊ

Yɩɩ-la Devit yɩɩ pɩ gɔgʋ-hɩaŋ.

¹ Mɩ Tɩɩna, ɛɛ nɛ ŋ chɛ ŋ yʋ mɩ wɩaa a diene magɛ? Ɛɛ nɛ ŋ chɛ dɩ ŋ kɛŋ ŋ tɩtɩa faamɛ a diene magɛ?

² Ɛɛ nɛ mɩ tʋɔbɩɩnaa jaŋ vʋgʋmɛ, dɩ mɩ tʋɔŋ chei tapʋlɩɩ kala a diene magɛ? Ɛɛ nɛ mɩ dʋndɔŋŋɔɔ jaŋ yuo diimi a magɛ?

³ Mɩɩ sʋlʋŋ mɩ Tɩɩna Wɩa, jegile nɩɩ mɩ sʋla a leŋ dɩ mɩ bɩra kɛŋ doluŋ. Sɩ́ leŋe dɩ mɩ sʋʋ.

⁴ Sɩ́ leŋe dɩ mɩ dʋndɔŋŋɔɔ bʋl, “La yuo diiu nɛ,” Dɩ mɩ nɛ tele, ba tʋɔŋ jaŋ tɔrɛ kɩŋkɛŋ.

⁵ Mɩ laa ŋ chono-la sɩ bɩ dɛrɛ dii nɛ. Mɩ tʋɔŋ tɔrɔ nɛ mɩ jʋjʋɔsɛ a tɩŋ ŋ sɩ laamɛ ta wɩaa.

⁶ La Tɩɩna ŋaa wʋzɔŋŋɔɔ nɛ mɩ lɛ. Mɩ jaŋ yɩɩ yɩɩlaa a pʋ.