WƖA YƖƖLAA 128 - WƖA TENIŊ

Wʋzɔmɔ-la ŋ sɩ jaŋ na dɩ ŋ nɩɩ to La Tɩɩna niiŋ

¹ Nɩɩ-la kala sɩɩ fá La Tɩɩna jaŋ kɛŋ tʋɔtɔrʋŋ, nɩɩ-la sɩɩ to ʋ wombiee.

² Ŋ jaŋ nɩɩ ŋ lɔlʋŋ sɩma, ŋ jaŋ kɛŋ dʋa arɩ tʋɔtɔrʋŋ.

³ Ŋ haala jaŋ lʋl biiriŋ yʋgɛ ŋ dɩa lɛ a nagɛ girep sɩ faasa nɛŋ. Ŋ hambolibiisiŋ jaŋ hɔnɔ golluŋ kɩaa dɩ-diiliŋ a nagɛ olif tɩɩsɩŋ.

⁴ Ŋɩɩ La Tɩɩna sɩ jaŋ pɛ nɩɩ-la sɩɩ to ʋ niiŋ lɛ nɛ ŋɩɩ.

⁵ Mɩ Wɩɩsʋlʋŋ nɛ dɩ La Tɩɩna lɩɩ Zaayɔŋ lɛ a kʋ pɛ ŋ lɛ, ŋ mɩɩsɩŋ tapʋlaa kala lɛ. A leŋ dɩ ŋ na dɩ Jerusalɛm dʋa.

⁶ A leŋ dɩ ŋ mɩɩsɩŋ duomi, dɩ ŋ na ŋ nihee. A leŋ dɩ fɩɛlɩŋ hɛ Iziral tinteeŋ lɛ.