WƖA YƖƖLAA 127 - WƖA TENIŊ

Má dɛnnɛ Wɩa, ʋ wɩaa zɔmɔ

¹ Dɩ La Tɩɩna nɛ bɩ nʋʋ lɛ pɛ dɩ ʋ saa dɩa, ka dɩ tɩɩna tɩtɩa saa dɩa-la ʋ doluŋ lɛ, tɩɩna lɔlʋŋ jaŋ ŋaa pɛɩ. Dɩ La TƖƖNA nɛ bɩ taŋ pɔ, nɩalɩŋ sɩ pɔ bibeŋ taŋ-la ka beŋ pɛɩ nɛ.

² Dɩ ŋ nɛ folo sii koo a bɛrɛ doŋ, a lɔlɔ chɩchɛ kʋdiilee, ʋ ŋaa pɛɩ nɛ. La Tɩɩna yie paala chɛ a bil nɩalɩŋ ʋ sɩ cho lɛ nɛ, bʋa-la lɛ ba ha sɩ pɩŋ doŋ.

³ Hambolibiisiŋ ŋaa kʋzɔmɔ nɛ La Tɩɩna yie joŋo pɩla, biiriŋ ŋaa zile kɩaa nɛ.

⁴ Dɩ baala nɛ lʋl hambolibiisiŋ ʋ bapʋɔsʋŋ lɛ, ʋ yie nagɛ bayuoro sɩ kɛŋ to-hɛŋŋɛɛ nɛ.

⁵ Nɩɩ-la kala huoŋ sɩ suo arɩ to-hɛmɛ-la, ʋ jaŋ kɛŋ tʋɔtɔrʋŋ. Hɩɩsɩŋ bɩ jaŋ diiu dɩ ʋ nɩɩ yuo ʋ dʋndɔŋŋɔɔ.