WƖA YƖƖLAA 122 - WƖA TENIŊ

Devit yɩɩ yɩɩlaa a dɛnnɛ Jerusalɛm.

¹ Mɩ tʋɔŋ fa tɔrɔ nɛ ba sɩ bʋla pɩmɛ, “Leŋ dɩ la mʋ La Tɩɩna dɩa.”

² Jerusalɛm, la chɩŋ ŋ boi-baalaa niiŋ nɛ.

³ Jerusalɛm ŋaa tabal nɛ, ba saa ʋ dɩɩsɩŋ kala jʋʋ dɔŋɔ.

⁴ Nɩmɛ nɛ doho doho nɩaa yie mʋ, La Tɩɩna nɩaa doho doho-la a dɛnnɛ La Tɩɩna, arɩ ʋ sɩ dagɛ ŋɩɩ pɩ Iziral tɩŋŋaa.

⁵ Nɩmɛ nɛ Devit doho nɩaa fa yie dii kuoruŋ a hɔŋ a bibeŋ ba nɩaa.

⁶ Má sʋl Wɩa ŋ-la a pɩ Jerusalɛm nɩaa dɩ ba hɔŋ sɔm, “A leŋ dɩ nɩalɩŋ sɩ choŋ dʋa.

⁷ Jerusalɛm, a leŋ dɩ fɩɛlɩŋ hɛ ŋ saarɩŋ kala lɛ, dɩ fɩɛlɩŋ hɛ ŋ kuori-dɩɩsɩŋ ma lɛ.”

⁸ A tɩŋ mɩ naambiiriŋ arɩ mɩ nandɔnsʋŋ wɩaa, mɩ jaŋ sʋl Wɩa a bʋl, “A leŋ dɩ fɩɛlɩŋ hɛ Jerusalɛm lɛ.”

⁹ A tɩŋ La Tɩɩna Wɩa dɩa wɩaa, mɩ jaŋ sʋl Wɩa dɩ ŋ dʋa.