WƖA YƖƖLAA 110 - WƖA TENIŊ

Yɩɩl-la Devit sɩ yɩa.

¹ La Tɩɩna bʋla pɩ mɩ Tɩɩna, “Hɔŋ mɩ nadiiŋ, nɩduoŋ dɩhɔnʋŋ, see dɩ mɩ yuo dii ŋ dʋndɔŋŋɔɔ kala dɛrɛ.”

² La Tɩɩna jaŋ leŋ dɩ ŋ kuoruŋ doluŋ kieli Zaayɔŋ, dɩ ŋ yuo dii ŋ dʋndɔmɔ-la sɩ golluŋ.

³ Tapʋlɩɩ-la ŋ sɩ jaŋ yuo ŋ dʋndɔŋŋɔɔ, ŋ nɩaa jaŋ kɛŋ ba tɩtɩa kʋ lɩɩ ŋ harɩŋ a kpɩɛrɛ ba tɩtɩa. Ŋ bapʋɔsɛ biisi-la jaŋ kɔ ŋ teeŋ peel-la ŋ sɩ lɩɩsa pɩ ŋ tɩtɩa nyuŋ.

⁴ La Tɩɩna ŋmɩɛsa nɛ, ʋ bɩ jaŋ kɛŋ ʋ tʋɔbɩɩnaa bɩrɩmɛ, Ʋ sɩ, “Ŋ nɛ nɩɩ-la sɩ laa nɩaa nyuŋ a tɩma pɩpɩ Wɩa a kaa mʋ wuu, a nagɛ baal-la ba sɩɩ yɩrɛ Mɛlɩkɩzɛdɛk fa sɩ tɩma pɩpɩ Wɩa ŋɩɩ.”

⁵ La Tɩɩna hɛ ŋ nadiiŋ nɛ, tapʋlɩɩ-la ʋ sɩ jaŋ na baanɩŋ, ʋ jaŋ bʋrɩgɛ kuoroo.

⁶ Ʋ jaŋ dii tinteyee nɩaa sarɩya, a kpʋ nɩaa chʋɔrɛ. Ʋ jaŋ yuo dii dʋnɩa kuoroo kala.

⁷ Ʋ jaŋ nyʋnyʋa lɩɩŋ sɩɩ pɛllʋ wombiiŋ sɛmɛ. Ʋ sɩ ŋaa ŋɩɩ, ʋ jaŋ yuo dii nʋʋkala.