WƖA YƖƖLAA 1 - WƖA TENIŊ

Tʋɔtɔrʋŋ wombiiŋ

¹ Wɩa jaŋ pɛ nɩalɩŋ sɩ bɩ nɩbɔŋŋɔɔ niiŋ ka to lɛ, a bɩ wʋbɔŋ ŋaaraa harɩŋ ka to, a bɩ nɩalɩŋ ma sɩɩ sieri Wɩa lɛ tʋɔŋ ka guoli.

² Ba-na tʋɔtɔrʋŋ nɛ dɩ ba to La Tɩɩna wombiiŋ, a kɛŋ wombii-la wɩaa chʋchɔgɩsɛ ba tʋɔŋ lɛ wɩɩhɛyɛ arɩ tɩtaŋɩŋ kala.

³ Ba nagɛ tɩɩsɩŋ ba sɩ chɔnsɔ fuoŋ niiŋ nɛ, ba nɩnɛŋ ba bʋa lɛ, ba pɩpaarɩŋ bɩ yuori. Wɩɩ na-kala nɛ dɩ nɩaa deemba ŋaa, ʋ yie vɛŋ woruŋ nɛ a pɩba.

⁴ Nɩbɔŋŋɔɔ-na bɩ ŋɩɩ naga. Ba nagɛ mɩɩ-jɔrʋŋ nɛ peliŋ yie paa viiri.

⁵ Wɩa jaŋ chei nɩbɔŋŋɔɔ sarɩya chɛ-diiliŋ, ba bɩ tʋɔpʋl tɩŋŋaa tʋɔŋ wuo guoli.

⁶ Wɩa jɩŋ tʋɔpʋl tɩŋŋaa wombiiŋ wɩaa nɛ aa pɔba, ama nɩbɔŋŋɔɔ-na wombiiŋ jaŋ cheiba.