NƐHƖMAAYA 7 - WƖA TENIŊ

¹ La sɩ paa jee-la wasa saa dɛrɛ, mɩ hɛ ʋ borusuŋ, a lɩɩsɛ nɩalɩŋ sɩɩ pɔ boi-baala-la, yɩɩlɩ yɩɩraa arɩ Levi doho nɩaa.

² Mɩ joŋ Jerusalɛm hɛ mɩ naambie Hanani arɩ Hananaaya sɩ ŋaa dɩ-duo-la laalɩyuori-hɩaŋ nɩsɩŋ lɛ ba bibeŋ, bɛɛ wɩaa Hananaaya fa ŋaa nʋʋ sɩ jɩŋ ʋ tɩtɩa kɛnɩŋ nɛ a fɩfá Wɩa a kɩɩ nɩaa jesiŋ kala.

³ Mɩ bʋla pɩba, “Má sɩ́ Jerusalɛm boi-baalaa suru, see dɩ wɩa haasa. Bʋa-la lɛ nɩalɩŋ sɩɩ pɔ boi-baala-la ha sɩ hɛ ba tɩntɩŋŋaa lɛ, má tɔ borusu-la a kɛŋ daa-dolo-la gɩrɩgɛ. Má lɩɩsɛ nɩalɩŋ dɔnsʋŋ sɩ hɛ Jerusalɛm lɛ dɩ ba pʋpɔ leriŋ, dɩ dɔnsʋŋ pʋpɔ lere-la ma sɩ jaŋ dagɛba, ka dɔnsʋŋ ma pʋpɔ lere-la sɩ kpagɛ ba dɩɩsɩŋ.”

Nɩalɩŋ sɩ mɩɩra lɩɩ yoŋ-baga kɔ

⁴ Tabal-la fa jalɩa, ama nɩaa fa bɩ yʋgɛ nɩmɛ, ba ha bɩ dɩɩsɩŋ ma paa wasa saa.

⁵ Ŋɩɩ nɛ Wɩa joŋ tʋɔbɩɩnaa a hɛ mɩ tʋɔŋ lɛ arɩ mɩ kɛŋ tintee-la nɩbalaa, tɩntɩnnɩ-hɩasɩŋ arɩ tintee-la nɩaa kala hɛ dɔŋɔ a dɩɩsɛba dɩa dɩa a ŋmʋnsa bil. Ŋɩɩ nɛ mɩ na teŋ-la lɛ ba sɩ ŋmʋnsɛ nɩalɩŋ sɩ laa sɩpaaŋ lɩɩ yoŋ-baga kɔ doho nɩaa yɩraa hɛ. Wɩalɩŋ mɩ sɩ na ba ŋmʋnsa nɛ ŋ-la:

⁶ Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

⁷ Ba sɩpaalaaraa nɛ fa ŋaa, Zerubabɛl, Jesua, Nɛhɩmaaya, Azarɩa, Raamɩa, Nahamanɩ, Modikaaya, Bɩlɩsaŋ, Mɩsɩpɛrɛf, Bɩgɩvaɩ, Nehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

⁸ Parɔs doho nɩaa fa ŋaa bʋɩ balɩa arɩ zɔlɔ arɩ mahɩŋ batori arɩ fii arɩ balɩa nɛ.

⁹ Sɛfatɩa ma doho nɩaa fa ŋaa zɔɔ-batori arɩ mahɩŋ batori arɩ fii arɩ balɩa nɛ.

¹⁰ Ara ma doho nɩaa ŋaa zɔɔ-balɩdʋ arɩ mahɩŋ balɩa arɩ fii arɩ balɩa nɛ.

¹¹ Pahaf-Mʋab doho nɩaa ŋaa bʋɩ balɩa arɩ zɔlɔ chori arɩ fii arɩ chori nɛ. (Ba fa ŋaa Jesua arɩ Jʋab doho nɩaa nɛ.)

¹² Ɛlam ma doho nɩaa ŋaa bʋɩ arɩ zɔɔ-balɩa arɩ mahɩŋ balɩa arɩ fii arɩ banɛsɛ nɛ.

¹³ Zatu ma doho nɩaa ŋaa zɔlɔ chori arɩ mahɩŋ balɩa arɩ banɔŋ nɛ.

¹⁴ Zakaɩ ma doho nɩaa ŋaa zɔɔ-balɩpɛ arɩ mahɩŋ batori nɛ.

¹⁵ Binui ma doho nɩaa ŋaa zɔɔ-balɩdʋ arɩ mahɩŋ balɩa arɩ chori nɛ.

¹⁶ Bɛbaɩ ma doho nɩaa ŋaa zɔɔ-balɩdʋ arɩ mara arɩ chori nɛ.

¹⁷ Azɩgad ma doho nɩaa ŋaa bʋɩ balɩa arɩ zɔɔ-batori arɩ mara arɩ balɩa nɛ.

¹⁸ Adonikam doho nɩaa ma ŋaa zɔɔ-balɩdʋ arɩ mahɩŋ batori arɩ balɩpɛ nɛ.

¹⁹ Bɩgɩvaɩ ma doho nɩaa ŋaa bʋɩ balɩa arɩ mahɩŋ batori arɩ balɩpɛ nɛ.

²⁰ Adɩŋ ma doho nɩaa ŋaa zɔɔ-balɩdʋ arɩ mahɩŋ balɩa arɩ fii arɩ banɔŋ nɛ.

²¹ Ata dɩa nɩaa ŋaa mahɩŋ banɛsɛ arɩ fii arɩ chori nɛ. (Ba ŋaa Hezikaaya doho nɩaa nɛ.)

²² Hasum ma doho nɩaa ŋaa zɔɔ-batori arɩ mara arɩ chori nɛ.

²³ Bɛzaɩ ma doho nɩaa ŋaa zɔɔ-batori arɩ mara arɩ banɛsɛ nɛ.

²⁴ Harɩf ma doho nɩaa ŋaa zɔlɔ arɩ fii arɩ balɩa nɛ.

²⁵ Gibioŋ ma doho nɩaa ŋaa mahɩŋ banɛsɛ arɩ fii arɩ banɔŋ nɛ.

²⁶ Nɩalɩŋ sɩ lɩɩ Bɛtɩlɛhɛm arɩ Netofa tɩŋŋaa ma ŋaa zɔlɔ arɩ mahɩŋ banɛsɛ arɩ chori nɛ.

²⁷ Anatɔf doho nɩaa ma ŋaa zɔlɔ arɩ mara arɩ chori nɛ.

²⁸ Bɛf Azɩmavɛf tɩŋŋaa ma ŋaa mahɩŋ balɩa arɩ balɩa nɛ.

²⁹ Kɩrɩaf Jɩarɩm, Kɛfɩra arɩ Bɛɛrɔf nɩaa ma ŋaa zɔɔ-balɩpɛ arɩ mahɩŋ balɩa arɩ batori nɛ.

³⁰ Rama arɩ Geba nɩaa ma ŋaa zɔɔ-balɩdʋ arɩ mara arɩ kʋbala nɛ.

³¹ Mɩkɩmas doho nɩaa ma ŋaa zɔlɔ arɩ mara arɩ balɩa nɛ.

³² Bɛtɛl arɩ Aɩ ma nɩaa ŋaa zɔlɔ arɩ mara arɩ batori nɛ.

³³ Nebo dɔŋɔ ma nɩaa ŋaa mahɩŋ balɩa arɩ fii arɩ balɩa nɛ.

³⁴ Ɛlam dɔŋɔ ma nɩaa ŋaa bʋɩ arɩ zɔɔ-balɩa arɩ mahɩŋ balɩa arɩ fii arɩ banɛsɛ nɛ.

³⁵ Harɩm nɩaa ma ŋaa zɔɔ-batori arɩ mara nɛ.

³⁶ Jeriko tɩŋŋaa ma ŋaa zɔɔ-batori arɩ mahɩŋ balɩa arɩ banɔŋ nɛ.

³⁷ Lod, Hadɩd arɩ Ono tɩŋŋaa ma ŋaa zɔɔ-balɩpɛ arɩ mara arɩ kʋbala nɛ.

³⁸ Sɛnaa tɩŋŋaa ma ŋaa bʋɩ batori arɩ zɔlɔ nibi arɩ mara arɩ fii nɛ.

³⁹ Wɩɩsʋllɩ sɩpaalaaraa sɩ lɩɩ yoŋ-baga kɔ arɩ ba doho nɩaa niiŋ nɛ ŋ-la: Jedaaya doho nɩaa sɩ lɩɩ Jesua dɩa nɩaa tʋɔŋ ŋaa zɔlɔ nibi arɩ mahɩŋ batori arɩ fii arɩ batori nɛ.

⁴⁰ Ɩma doho nɩaa ŋaa bʋɩ arɩ mahɩŋ balɩa arɩ fii arɩ balɩa nɛ.

⁴¹ Pasɩhɔ ma doho nɩaa ŋaa bʋɩ arɩ zɔɔ-balɩa arɩ mahɩŋ balɩa arɩ balɩpɛ nɛ.

⁴² Harɩm doho nɩaa ŋaa bʋɩ arɩ fii arɩ balɩpɛ nɛ.

⁴³ Levi doho nɩaa ma nɛ ŋ-la: Jesua arɩ Kadɩmɩɛl, nɩalɩŋ sɩ lɩɩ Hodavia doho tʋɔŋ ŋaa mahɩŋ batori arɩ fii arɩ banɛsɛ nɛ.

⁴⁴ Yɩɩlɩ-yɩɩraa: Asaf doho nɩaa ma ŋaa zɔlɔ arɩ mahɩŋ balɩa arɩ chori nɛ.

⁴⁵ Nɩalɩŋ sɩɩ pɔ Wɩa dɩɩ-bal-la boi-baalaa ma nɛ ŋ-la: Salum doho nɩaa, Ata doho nɩaa, Talɩmɔŋ doho nɩaa, Akub doho nɩaa, Hatɩta arɩ Sobai doho nɩaa ma ŋaa zɔlɔ arɩ mara arɩ fii arɩ chori nɛ.

⁴⁶ Wɩa dɩɩ-bal-la tɩntɩnnaa ma nɛ ŋ-la: Zɩha doho nɩaa, Hasufa doho nɩaa, Tabaof doho nɩaa:

⁴⁷ Keros, Sɩa, Padɔŋ,

⁴⁸ Lɛbana, Hagaba, Salɩmaɩ,

⁴⁹ Hanaŋ, Gɩdɛl, Gaha,

⁵⁰ Rahaya, Reziŋ, Nekoda,

⁵¹ Gazam, Uza, Pasɩa,

⁵² Bɛsaɩ, Mewunim, Nefusim,

⁵³ Bakɩbʋk, Hakufa, Haahɔ,

⁵⁴ Baziluf, Mɛhɩda, Hasa,

⁵⁵ Bakɔs, Sɩsɛra, Tɛma,

⁵⁶ Nɛzɩa arɩ Hatɩfa.

⁵⁷ Solomoŋ tɩntɩnnaa ma doho nɩaa nɛ ŋ-la: Sotai, Sɔfɛrɛf, Pɛrɩda,

⁵⁸ Jaala, Daakɔŋ, Gɩdɛl,

⁵⁹ Sɛfatɩa, Hatɩl, Pɔkɛrɛf-Hazɛbem arɩ Amɔŋ.

⁶⁰ Wɩa dɩɩ-bal-la tɩntɩnnaa arɩ Solomoŋ tɩntɩnnaa doho nɩaa ŋaa zɔɔ-batori arɩ mahɩŋ banɛsɛ arɩ fii arɩ balɩa nɛ.

⁶¹ Nɩaa deemba ma nɛ lɩɩ tasɩ-la ba sɩɩ yɩrɛ Tɛl Mɛla, Tɛl Hasa, Kerub, Adɔŋ arɩ Ɩma a kɔ. Ama ba bɩ wuo dagɛ arɩ ba ŋaa Iziral tɩmma nɛ:

⁶² Ba nɛ Delaaya, Tobia arɩ Nekoda doho nɩaa, ba ŋaa zɔɔ-balɩdʋ arɩ mahɩŋ balɩa arɩ balɩa nɛ.

⁶³ Wɩɩsʋllɩ sɩpaalaaraa ma tʋɔŋ, nɩaa deemba doho nɩaa ma mɩɩra kɔ Jerusalɛm nɛ: Hobaaya, Hakɔs arɩ Bazɩlaɩ. (Ʋ fa jaa Gɩlɩad tɩŋŋaa Bazɩlaɩ tolo nɛ, ŋɩɩ nɛ ba joŋ yɩrɛ-la hɛ pʋ.)

⁶⁴ Nɩaa deemba fa chɛ ba naabalɩmaba yɩraa tenniŋ ka nɛ, ŋɩɩ nɛ ba lɩɩsɛba ta Wɩɩsʋllɩ sɩpaalaaraa tʋɔŋ arɩ ba kɛŋ disiniŋ nɛ.

⁶⁵ Tinteeŋ nɩhɩaŋ kiriba dɩ ba sɩ́ kʋdiile-la sɩ ŋaa Wɩa kʋzɔmɔ dii, see dɩ Wɩɩsʋllɩ sɩpaalaara kɛŋ Urim arɩ Tumim chɛ na.

⁶⁶ Nɩalɩŋ kala fa ŋaa bʋɩ mahɩŋ balɩa arɩ balɩa, zɔɔ-batori arɩ mahɩŋ batori nɛ,

⁶⁷ a pɛ ba tɩntɩnnaa baalaa arɩ haalaa sɩ ŋaa bʋɩ balɩpɛ arɩ zɔɔ-batori arɩ mara arɩ fii arɩ balɩpɛ lɛ. Ba fa kɛŋ baalaa arɩ haalaa ma zɔɔ-balɩa arɩ mahɩŋ balɩa arɩ banɔŋ nɛ sɩ ŋaa yɩɩlɩ yɩɩraa.

⁶⁸ Ba fa kɛŋ janɩŋ zɔɔ-balɩpɛ arɩ mara arɩ fii arɩ balɩdʋ nɛ, kakusuŋ sɩ nagɛ janɩŋ ma zɔɔ-balɩa arɩ mahɩŋ balɩa arɩ banɔŋ,

⁶⁹ bʋntaŋŋaba zɔɔ-banɛsɛ arɩ mara arɩ fii arɩ banɔŋ a pɛ kakusuŋ ma bʋɩ balɩdʋ arɩ zɔɔ-balɩpɛ arɩ mara lɛ.

⁷⁰ Dɩa dɩa nɩhɩasɩ-la dɔnsʋŋ ma fa chɛ kɩaa pɛ tɩntɩmɩɩ-la lɛ nɛ. Tinteeŋ nɩhɩaŋ pa sɛlɩmɛ yuŋuŋ sɩ ŋaa kilo chori nɛ, Wɩa dɩa tɩntɩnnɩ-gbansɩŋ ma mahɩŋ balɩa arɩ fii, Wɩɩsʋllɩ sɩpaalaaraa ma gɛnnɩŋ zɔɔ-banɔŋ arɩ mara arɩ fii.

⁷¹ Dɩa dɩa nɩhɩasɩŋ dɔnsʋŋ ma pa sɛlɩmɛ yuŋuŋ sɩ ŋaa kilo zɔlɔ arɩ mahɩŋ batori arɩ chori nɛ, hɔpʋla ma kilo bʋɩ arɩ zɔɔ-balɩa arɩ mahɩŋ balɩa arɩ fii.

⁷² Nɩkaanaa ma kala sɩ pa kɩalɩŋ ŋaa sɛlɩmɛ kilo zɔlɔ arɩ mahɩŋ batori arɩ chori nɛ, hɔpʋla ma kilo zɔlɔ arɩ mahɩŋ balɩa, Wɩɩsʋllɩ sɩpaalaaraa gɛnnɩŋ mahɩŋ batori arɩ balɩpɛ.

⁷³ Wɩɩsʋllɩ sɩpaalaaraa, Levi doho nɩaa, nɩalɩŋ sɩɩ pɔ Wɩa dɩɩ-bal-la boi-baalaa, yɩɩlɩ yɩɩraa arɩ nɩalɩŋ sɩɩ tɩŋ Wɩa dɩɩ-bal-la lɛ arɩ Iziral tɩmma-la dɔnsʋŋ kala fa kʋ hɔŋ ba tɩtɩa tasɩŋ lɛ nɛ. Jɩ-pɛɩ kʋʋ yi dɩ Iziral tɩŋŋaa hɔŋ ba tasɩŋ lɛ.