NAMBABA 7 - WƖA TENIŊ

Sɩpaalaaraa Wɩɩsʋlʋŋ kɩaa

¹ Tapʋlɩɩ-la Mosis sɩ pɛ Wɩa dɩ-zɔŋ-la dɛrɛ, ʋ joŋ Wɩɩsʋllɩ nʋʋŋ tɩsɛ ʋ dɩ ʋ tʋɔŋ kpɩɛraa kala, a joŋo hɛ Wɩa nɩsɩŋ lɛ. Ʋ bɩra joŋ Wɩɩsʋllɩ nʋʋŋ a sʋl Wɩa hɛ koru-la arɩ ʋ nyuŋ tɩntɩnnɩ kɩaa kala ma lɛ, a joŋo hɛ Wɩa nɩsɩŋ lɛ.

² Ŋɩɩ nɛ Iziral tɩŋŋaa sɩpaalaaraa, ba dɩa dɩa nɩhɩasɩ-la sɩ ŋaa ba doho doho sɩpaalaaraa sɩ beŋ nɩalɩŋ ba dɩɩsɛ, kɛŋ Wɩɩsʋllɩ kɩaa kɔ.

³ Ba Wɩɩsʋllɩ kɩaa ba sɩ kaa kɔ La TƖƖNA teeŋ ŋaa nɛsɩŋ torukoba balɩdʋ ba sɩ kpaasa tɔ nyuŋ arɩ nɛ-ferisiŋ fii arɩ balɩa nɛ. Sɩpaalaarʋ kala kɛŋ nɛ-fere nɛ kɔ, aŋ pɛ dɔŋɔ balɩa balɩa a chɛ nɛsɩŋ toruko. Ba kɛŋ kɩalɩŋ kala kɔ Wɩa dɩ-zɔŋ-la leriŋ.

⁴ Ŋɩɩ nɛ La TƖƖNA bʋla pɩ Mosis,

⁵ “Laa kɩalɩŋ ba teeŋ a kaa tɩŋ lɛbɩ-la lɛ mɩ sɩ yie kɔ Iziral tɩŋŋaa teeŋ tɩntɩŋŋaa. Laa a joŋo pɩ Levi doho nɩaa a magɛ ŋɩɩ nʋʋkala sɩɩ chɛ ʋ kaa tɩŋ.”

⁶ Ŋɩɩ nɛ Mosis laa nɛ-ferisi-la arɩ torukoba-la, a joŋo pɩ Levi doho nɩalɩŋ.

⁷ Ʋ joŋ nɛ-ferisi-la banɛsɛ arɩ torukoba balɩa a pɩ Gɛsɔŋ doho nɩaa a magɛ ba tɩntɩŋŋaa,

⁸ a bɩra joŋ nɛ-ferisi-la chori arɩ torukoba banɛsɛ a pɩ Mɛrarɩ doho nɩaa a magɛ ba ma tɩntɩŋŋaa. Arɔŋ sɩ ŋaa Wɩɩsʋllɩ sɩpaalaara nanʋala Ɩtama nɛ faa beŋ ba kala.

⁹ Ama Mosis bɩ kɩalɩŋ kʋŋkala joŋo pɩ Kohaf doho nɩaa, bɛɛ wɩaa ba tɩntɩmɩŋ nɛ ba chʋchʋŋ Wɩa dɩa kʋzɔmɔ-la.

¹⁰ Mosis sɩ joŋ Wɩɩsʋllɩ nʋʋŋ taa koru-la lɛ, sɩpaalaara-la kɛŋ ba Wɩɩsʋllɩ kɩaa kɔ koru-la sɩpaaŋ dɩ ba sʋl Wɩa a joŋ koru-la pɩ Wɩa.

¹¹ La TƖƖNA fa bʋla pɩ Mosis, “Tapʋlɩɩ-kala, sɩpaalaara-la fii arɩ balɩa tʋɔŋ kʋbala nɛ maga dɩ ʋ kɛŋ ʋ Wɩɩsʋlʋŋ kɩaa kɔ dɩ ma joŋ koru-la pɩmɛ.”

¹² Amɩnadab sɩ ŋaa Juda doho nʋʋ, ʋ nanʋala Nasɔŋ nɛ laa sɩpaaŋ kɛŋ ʋ Wɩɩsʋlʋŋ kɩaa kɔ.

¹³ Nasɔŋ Wɩɩsʋlʋŋ kɩaa ʋ sɩ kaa kɔ nɛ ŋ-la: Hɔpʋla ba sɩ kaa ŋaa pɩrata, ʋ yuŋuŋ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ ma sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala ba kaa ŋaa mɩaa Wɩɩsʋlʋŋ,

¹⁴ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

¹⁵ arɩ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna, dɩ ba kaa sʋl kʋnyɩgaa Wɩɩsʋlʋŋ,

¹⁶ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ,

¹⁷ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ sɩ yi jɩna jɩna kɩaa banɔŋ, dɩ ba kpʋ a ŋaa nii-magɛ dɔŋɔ Wɩɩsʋlʋŋ. Amɩnadab nanʋala Nasɔŋ sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

¹⁸ Chɛ lɩa chɛɛŋ, Nɛtanɛl nanʋala Zʋaa sɩ ŋaa Ɩsaka doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

¹⁹ Wɩɩsʋllɩ kɩalɩŋ ʋ sɩ kaa kɔ nɛ ŋ-la: hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala dɩ ba kaa ŋaa mɩaa Wɩɩsʋlʋŋ,

²⁰ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ ʋ hɛ kʋsʋɔrʋsʋŋ a su,

²¹ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

²² a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ

²³ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna, dɩ ba kpʋ a sʋl nii-magɛ dɔŋɔ Wɩɩsʋlʋŋ. Nɛtanɛl nanʋala Zʋaa sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

²⁴ Tapʋl-torimuŋ chɛɛŋ, Heloŋ nanʋala Ɛlɩab sɩ ŋaa Zebuluŋ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

²⁵ Wɩɩsʋllɩ kɩalɩŋ ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala, dɩ ba kaa sʋl mɩaa Wɩɩsʋlʋŋ,

²⁶ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

²⁷ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

²⁸ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

²⁹ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna, dɩ ba kpʋ a ŋaa nii-magɛ dɔŋɔ Wɩɩsʋlʋŋ. Heloŋ nanʋala Ɛlɩab sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

³⁰ Tapʋl nɛsɛ chɛɛŋ Sediu nanʋala Elizu sɩ ŋaa Rubiŋ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

³¹ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala, dɩ ba kaa ŋaa mɩaa Wɩɩsʋlʋŋ,

³² a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

³³ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

³⁴ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

³⁵ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna, dɩ ba kpʋ a sʋl nii-magɛ dɔŋɔ Wɩɩsʋlʋŋ. Sediu nanʋala Elizu sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

³⁶ Tapʋl-nɔŋ chɛɛŋ, Zurisadai nanʋala Sɛlʋmɩɛl sɩ ŋaa Simioŋ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

³⁷ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala, dɩ ba kaa ŋaa mɩaa Wɩɩsʋlʋŋ,

³⁸ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

³⁹ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

⁴⁰ a pɛ gbuŋgbogo lɛ dɩ ba kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ,

⁴¹ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna, dɩ ba kpʋ a sʋl nii-magɛ dɔŋɔ Wɩɩsʋlʋŋ. Zurisadai nanʋala Sɛlʋmɩɛl sɩ kɛŋ Wɩɩsʋllɩ kɩaa kaa kɔ nɛ ŋɩɩ.

⁴² Tapʋl-dʋ chɛɛŋ, Dʋɛl nanʋala Ɛlɩasaf sɩ ŋaa Gad doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁴³ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala, dɩ ba kaa ŋaa mɩaa Wɩɩsʋlʋŋ,

⁴⁴ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

⁴⁵ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

⁴⁶ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

⁴⁷ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna lɛ, dɩ ba kpʋ a ŋaa nii-magɛ dɔŋɔ Wɩɩsʋlʋŋ. Dʋɛl nanʋala Ɛlɩasaf sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

⁴⁸ Tapʋl-pɛɩ chɛɛŋ, Amihud nanʋala Ɛlɩsama sɩ ŋaa Efirem doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁴⁹ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala dɩ ba kaa sʋl mɩaa Wɩɩsʋlʋŋ,

⁵⁰ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

⁵¹ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

⁵² a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

⁵³ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna lɛ, dɩ ba kpʋ a sʋl nii-magɛ dɔŋɔ Wɩɩsʋlʋŋ. Amihud nanʋala Ɛlɩsama sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

⁵⁴ Tapʋl-chori chɛɛŋ, Pedazu nanʋala Gamalɩɛl sɩ ŋaa Manasɛ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁵⁵ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ, arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala dɩ ba kaa sʋl mɩaa Wɩɩsʋlʋŋ,

⁵⁶ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie, ʋ hɛ kʋsʋɔrʋsʋŋ a su,

⁵⁷ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

⁵⁸ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

⁵⁹ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna lɛ, dɩ ba kpʋ a ŋaa nii-magɛ dɔŋɔ Wɩɩsʋlʋŋ. Pedazu nanʋala Gamalɩɛl sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

⁶⁰ Tapʋl-nibi chɛɛŋ, Gidioni nanʋala Abɩdaŋ sɩ ŋaa Bɛnjamɩŋ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁶¹ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su kɩalɩŋ kʋŋkala dɩ ba kaa sʋl mɩaa Wɩɩsʋlʋŋ,

⁶² a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

⁶³ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

⁶⁴ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

⁶⁵ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna lɛ dɩ ba kpʋ a sʋl nii-magɛ dɔŋɔ Wɩɩsʋlʋŋ. Gidioni nanʋala Abɩdaŋ sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

⁶⁶ Tapʋl-fii chɛɛŋ, Amɩsadaɩ nanʋala Ahieza sɩ ŋaa Daŋ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁶⁷ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su ba kʋŋkala dɩ ba kaa sʋl mɩaa Wɩɩsʋlʋŋ,

⁶⁸ a pɛ sɛlɩmɛ gbaŋa yuŋuŋ bɩ kilo kpaa magɛ dɔŋɔ yie, ʋ hɛ kʋsʋɔrʋsʋŋ a su,

⁶⁹ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna dɩ ba kaa sʋl kʋnyɩgaa Wɩɩsʋlʋŋ,

⁷⁰ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

⁷¹ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna dɩ ba kpʋ a sʋl nii-magɛ dɔŋɔ Wɩɩsʋlʋŋ. Amɩsadaɩ nanʋala Ahieza sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

⁷² Tapʋl-fii arɩ kʋbala chɛɛŋ, Ɔkɩraŋ nanʋala Pagɩɛl sɩ ŋaa Asa doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁷³ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su ba kʋŋkala, dɩ ba kaa sʋl mɩaa Wɩɩsʋlʋŋ,

⁷⁴ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

⁷⁵ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna lɛ dɩ ba kaa sʋl kʋnyɩgaa Wɩɩsʋlʋŋ,

⁷⁶ a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ,

⁷⁷ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna dɩ ba kpʋ a sʋl nii-magɛ dɔŋɔ Wɩɩsʋlʋŋ. Ɔkɩraŋ nanʋala Pagɩɛl sɩ kɛŋ Wɩɩsʋllɩ kɩalɩŋ kɔ nɛ ŋɩɩ.

⁷⁸ Tapʋl-fii arɩ balɩa chɛɛŋ, Ɛnaŋ nanʋala Ahɩra sɩ ŋaa Nafɩtalɩ doho nɩaa sɩpaalaara nɛ kɛŋ ʋ Wɩɩsʋlʋŋ kɩaa kɔ.

⁷⁹ Ʋ Wɩɩsʋllɩ kɩaa ʋ sɩ kaa kɔ nɛ ŋ-la: Hɔpʋla pɩrata yuŋuŋ sɩ ŋaa kilo bala arɩ kpaa magɛ dɔŋɔ arɩ hɔpʋla gbaŋa ba sɩ kaa mɩmɩsɛ kɩaa yuŋuŋ sɩ ŋaa mʋa tuo kilo bala. Ba magɩsɛ ba kʋŋkala arɩ ŋɩɩ ba sɩɩ magɩsɛ Wɩa dɩa lɛ nɛ. Ʋ hɛ nʋʋŋ munuŋ sɩ bɩɩ nʋgʋgʋ lɛ a hɛ su ba kʋŋkala dɩ ba kaa sʋl mɩaa Wɩɩsʋlʋŋ,

⁸⁰ a pɛ sɛlɩmɛ gbaŋa yuŋuŋ sɩ bɩ kilo kpaa magɛ dɔŋɔ yie lɛ, ʋ hɛ kʋsʋɔrʋsʋŋ a su,

⁸¹ a pɛ nɛ-bel-pɔrʋŋ, pie-bele arɩ pie-bel-pɔrʋŋ sɩ yi jɩna lɛ dɩ ba kaa sʋl kʋnyɩgaa Wɩɩsʋlʋŋ,

⁸² a pɛ gbuŋgbogo ba sɩ jaŋ kaa sʋl wʋbɔŋŋɔɔ joŋo chɛnɩŋ Wɩɩsʋlʋŋ lɛ

⁸³ arɩ nɛ-belliŋ balɩa, pie-belliŋ banɔŋ, gbuŋgbogusuŋ banɔŋ arɩ pie-bel-pɔrɔɔ banɔŋ sɩ yi jɩna jɩna, dɩ ba kaa sʋl nii-magɛ dɔŋɔ Wɩɩsʋlʋŋ. Ɛnaŋ nanʋala Ahɩra sɩ kɛŋ ʋ Wɩɩsʋllɩ kɩalɩŋ kɔ nɛ ŋɩɩ.

⁸⁴ Mosis sɩ joŋ Wɩɩsʋllɩ nʋʋŋ taa koru-la a sʋl Wɩa hɛ ka Iziral tɩŋŋaa sɩpaalaaraa kɛŋ Wɩɩsʋlʋŋ kɩalɩŋ kɔ ba sʋl Wɩa aŋ joŋ koru-la pɩ Wɩa nɛ ŋ-la: Hɔpʋla pɩrataba fii arɩ balɩa, hɔpʋla gbansɩŋ ba sɩ kaa mɩmɩsɛ kɩaa ma fii arɩ balɩa. Sɛlɩmɛ gbansɩŋ ma fii arɩ balɩa.

⁸⁵ Hɔpʋla pɩrataba-la kʋŋkala yuŋuŋ ŋaa kilo bala arɩ kpaa magɛ dɔŋɔ nɛ, hɔpʋla gbansɩ-la ma kʋŋkala yuŋuŋ ŋaa mʋa tuo kilo bala nɛ. Hɔpʋla pɩrataba-la arɩ gbansɩ-la, dɩ ŋ nɛ kɛŋ ba kala yuŋuŋ pɛ dɔŋɔ, ba ŋaa kilo mara arɩ fii nɛ, arɩ ŋɩɩ ba sɩɩ magɩsɛ Wɩa dɩa lɛ.

⁸⁶ Sɛlɩmɛ gbansɩ-la fii arɩ balɩa ba sɩ hɛ kʋsʋɔrʋsʋŋ su, kʋŋkala yuŋuŋ bɩ kilo kpaa magɛ dɔŋɔ yie. Dɩ ŋ nɛ kɛŋ sɛlɩmɛ gbansɩ-la kala yuŋuŋ pɛ dɔŋɔ, ba bɩ kilo banɔŋ kɩɩ, arɩ ŋɩɩ ba sɩɩ magɩsɛ Wɩa dɩa lɛ.

⁸⁷ Pʋsʋ-la kala ba sɩ kaa ŋaa kʋnyɩgaa Wɩɩsʋlʋŋ ŋaa nɛ-bel-pɔrɔɔ fii arɩ balɩa nɛ, pie-belliŋ ma fii arɩ balɩa, pie-bel-pɔrɔɔ ma sɩ yi jɩna fii arɩ balɩa a saa pɛ ba mɩaa Wɩɩsʋlʋŋ kɩaa lɛ. Wʋbɔŋŋɔɔ Wɩɩsʋlʋŋ gbuŋgbogusuŋ ma ŋaa fii arɩ balɩa nɛ.

⁸⁸ Pʋsʋ-la kala ba sɩ kaa ŋaa nii-magɛ dɔŋɔ Wɩɩsʋlʋŋ, ŋaa nɛ-belliŋ mara arɩ banɛsɛ, pie-belliŋ mahɩŋ batori, gbuŋgbogusuŋ ma mahɩŋ batori arɩ pie-bel-pɔrɔɔ sɩ yi jɩna jɩna ma mahɩŋ batori. Mosis sɩ joŋ Wɩɩsʋllɩ nʋʋŋ tɩsɛ koru-la a sʋl Wɩa hɛ ka ba kɛŋ Wɩɩsʋlʋŋ kɩalɩŋ kɔ dɩ ba joŋ koru-la pɩ Wɩa nɛ ŋɩɩ.

⁸⁹ Mosis sɩ jʋʋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ dɩ ʋ bʋl wɩaa La TƖƖNA teeŋ, ʋ nɩɩ La TƖƖNA yikoro Wɩa niiriŋ daga-la nii-tɔlɔ nyuŋ, kɩalɩŋ balɩa sɩ nagɛ Wɩa tɩndaaraa a kɛŋ kɩŋkɛnsɩŋ pɛgɛ. Ŋɩɩ nɛ ʋ dɩ La TƖƖNA bʋl wɩaa.