JOSUA 15 - WƖA TENIŊ

Tinteeŋ kpaal-la Juda doho nɩaa sɩ laa

¹ Juda doho nɩaa tinteeŋ kpaalɩŋ ba sɩ laa nyɩŋ-nɩa nyɩŋ-nɩa nɛ ŋ-la: Juda arɩ Ɛdɔm nɛ fa pɛ bʋa wɩɩpɔsʋŋ nadiiŋ dɩɩrɩŋ, a kɛŋ ŋɩɩ mʋ yi Zɩŋ tintee-hɩlɩɩ-la wɩɩpɔsʋŋ nadiiŋ dɩɩrɩŋ.

² Ba tintee-la wɩɩpɔsʋŋ nadiiŋ dɩɩrɩŋ bʋa-la chɩŋ mʋgʋ-bal-la ba sɩɩ yɩrɛ Mʋgʋ-sʋʋŋ niiŋ nɛ,

³ a kɛŋ ŋɩɩ a mʋ jɩl Akɩrabɩm dundolo a chullo tuu a mʋ yi Zɩŋ tintee-hɩlɩŋ, a kɛŋ ŋɩɩ mʋ yi Kadɛs Baanɩa wɩɩpɔsʋŋ nadiiŋ dɩɩrɩŋ, a bɩra to ŋɩɩ a mʋ yi Hɛzɩrɔŋ a joŋo jɩl tabala ba sɩɩ yɩrɛ Ada a gʋrɛ ŋɩɩ a mʋ yi Kaka.

⁴ Tintee-la bɩra chɩŋ nɩmɛ nɛ a mʋ yi taŋ-la ba sɩɩ yɩrɛ Azɩmɔŋ, a kɛŋ ŋɩɩ a mʋ to fuonaa-la sɩ hɛ Ijipiti tinteeŋ bʋa a kaa mʋ yi mʋgʋ-bal-la ba sɩɩ yɩrɛ Mediterenia. Nɩmɛ nɛ ba tinteeŋ wɩɩpɔsʋŋ nadiiŋ dɩɩrɩŋ bʋa dɛrɛ.

⁵ Ba wɩɩpɔsʋŋ dɩɩrɩŋ ma bʋa nɛ, a chɩŋ Mʋgʋ-sʋʋ-la lɛ a kaa mʋ yi Jɔdaŋ fuo-la niiŋ. Ba wɩɩpɔsʋŋ nagʋa dɩɩrɩŋ bʋa ma nɛ: a chɩŋ Jɔdaŋ fuo-la niiŋ,

⁶ a to ŋɩɩ a mʋ Bɛf Hogila a kaa mʋ yi Bɛf Araba wɩɩpɔsʋŋ nagʋa dɩɩrɩŋ, a kɛŋ ŋɩɩ mʋ yi Rubiŋ nanʋala Bɔhaŋ tabɩɩŋ.

⁷ Tintee-la bʋa nɛ ha jɩla to Akɔ fuonaaŋ a lɩɩ nɩmɛ a mʋ yi Dɛbɩ aŋ bɩra gɛbɛ wɩɩpɔsʋŋ nagʋa dɩɩrɩŋ ŋɩɩ a mʋ yi Gɩlɩgal, a chaasɛ Adumim wombii-la sɩ hɛ peelee pɛgɛ a joŋ ŋɩɩ a mʋ fuonaa-la sɩ hɛ wɩɩpɔsʋŋ nadiiŋ dɩɩrɩŋ. Ʋ ha pɩŋ ŋɩɩ nɛ a mʋ to Ɛŋ-Sɛmɛs lɩɩ-bulo-la leriŋ, a to ŋɩɩ a kʋ lɩɩ Ɛŋ-Rɔgɛl.

⁸ Tintee-la bʋa nɛ ha jɩla to Bɛŋ Hɩnɔm fuonaaŋ a joŋ ŋɩɩ a mʋ to Jebus tɩŋŋaa tabal-la (ʋ nɛ ha baa yɩrɛ Jerusalɛm) a joŋ ŋɩɩ a mʋ jɩl dundolo nyuŋ sɩ hɛ Hɩnɔm fuonaa-la wɩɩjʋʋlʋŋ dɩɩrɩŋ, a bɩra hɛ Refem fuonaaŋ wɩɩpɔsʋŋ nagʋa dɩdɛrɩŋ.

⁹ Ʋ bʋa bɩra chɩŋ dundolo-la nyuŋ ŋɩɩ nɛ, aŋ tʋʋlɛ Nɛfɩtʋa lɩɩ-bulo-la ŋɩɩ a kʋ lɩɩ to tasɩ-la sɩ hɛ peel-la ba sɩ yɩrɛ Ɛfʋrɔŋ a to ŋɩɩ a tuu, a tʋʋlɛ taŋ-la ba sɩɩ yɩrɛ Baala (ʋ nɛ ha Kɩrɩaf Jɩarɩm).

¹⁰ Ŋɩɩ nɛ ʋ bɩra gʋrɛ, a tʋʋlɛ wɩɩjʋʋlʋŋ dɩɩrɩŋ, a lɩɩ Baala a mʋ Sɛɛ peel-la, a joŋ ŋɩɩ a mʋ to peel-la ba sɩɩ yɩrɛ Jɩarɩm wɩɩpɔsʋŋ nagʋa dɩɩrɩŋ lee-la sɩ chullo aa tuu (ʋ nɛ ha Kɛsalɔŋ), a joŋ ŋɩɩ tʋʋ to Bɛf Sɛmɛs a kiele mʋ Tɩmɩna.

¹¹ Tintee-la bʋa bɩra to Ɛkʋrɔŋ wɩɩpɔsʋŋ nagʋa lee-la sɩ chulloo tuu nɛ, aŋ bɩra gɛbɛ to Sɩkɛrɔŋ, a joŋ ŋɩɩ a mʋ to peel-la ba sɩɩ yɩrɛ Baala a mʋ yi Jabɩnɛɛl. Tintee-la bʋa mʋ dɛrɛ Mediterenia mʋgʋ-bal-la lɛ nɛ.

¹² Ʋ wɩɩjʋʋlʋŋ dɩɩrɩŋ bʋa nɛ mʋgʋ-bal-la niiŋ. Juda doho nɩaa nyɩŋ-nɩa nyɩŋ-nɩa tinteeŋ bʋa nɛ ŋɩɩ a gollo bal.

¹³ La TƖƖNA sɩ dagɛ Josua ŋɩɩ, ʋ fa joŋ Juda tinteeŋ sɛmɛ dɔŋɔ nɛ a pɩ Jefuni nanʋala Kalɩb. Hɛbʋrɔŋ nɛ ʋ fa joŋo pʋ (ʋ nɛ ha Kɩrɩaf Aaba). Aaba nɛ fa ŋaa nɩwaayiile-la ba sɩɩ yɩrɛ Anakɩ naabalɩma.

¹⁴ Ŋɩɩ nɛ Kalɩb kiri Anakɩ nyɩŋ-nɩaa deemba batori arɩ ba dɩa nɩaa Hɛbʋrɔŋ lɛ: Sɛsaɩ, Ahɩmaŋ arɩ Talɩmaɩ.

¹⁵ Nɩmɛ nɛ ʋ lɩɩ a mʋ yuo a kiri nɩalɩŋ sɩ hɛ taŋ-la ba sɩɩ yɩrɛ Dɛbɩ lɛ. (Lee-la yɩrɩŋ nɛ fa Kɩrɩaf Sɛfa.)

¹⁶ Ŋɩɩ nɛ Kalɩb bʋl, “Mɩ jaŋ joŋ mɩ tolo Akɩsa a pɩ baal-la sɩ jaŋ yuo dii Kɩrɩaf Sɛfa a kɛsɛ ʋ nɩaa dɩ ʋ jaa.”

¹⁷ Ŋɩɩ nɛ Kalɩb naambie Ofiniel sɩ ŋaa Kɛnas nanʋala yuo dii taŋ-la. Kalɩb fa joŋ ʋ tolo-la a pʋ ʋ jaa.

¹⁸ Ba fa sɩ jaa dɔŋɔ dɛrɛ, ŋɩɩ harɩŋ lɛ nɛ Ofiniel hɛ ʋ haala dɩ ʋ pɩɛsɛ ʋ nyɩmma Kalɩb a laa tinteeŋ. Ŋɩɩ nɛ tolo-la sii jɩl kakumo mʋ dɩ ʋ na ʋ nyɩmma. Ʋ sɩ mʋa a tuu ʋ kakumo nyuŋ, Kalɩb pɩɛsʋ, “Bɛɛ kʋŋ nɛ ŋ chɩchɛ?”

¹⁹ Ŋɩɩ nɛ tolo-la bʋl, “Chaasa pɛ mɩ lɛ. Ŋ laa sɩpaaŋ pɩmɛ tinteeŋ nɛ Nɛgɛf lɛ, ka lɩɩŋ tuo nɩmɛ. Pɩmɛ lee-la sɩ kɛŋ lɩɩ-bulo ma.” Ŋɩɩ nɛ Kalɩb joŋ lɩɩ-bulo-la sɩ hɛ taŋ-la nyuŋ arɩ bʋbʋɔŋ kala a pʋ.

²⁰ Juda doho nɩaa nyɩŋ-nɩa nyɩŋ-nɩa sɩ laa tintee-la ʋ ŋaa ba kʋŋ nɛ ŋɩɩ.

²¹ Juda doho nɩaa tasɩ-la sɩ hɛ wɩɩpɔsʋŋ nadiiŋ dɩɩrɩŋ Nɛgɛf lɛ, a chaasɛ Ɛdɔm tinteeŋ bʋa nɛ ŋ-la: Kabɩzɛɛl, Ɛda, arɩ Jagʋ.

²² Kɩna, Dimona arɩ Adada,

²³ Kadɛs, Hazɔ, arɩ Ɩfɩnaŋ.

²⁴ Zɩf, Tɛlɛm, arɩ Bɩalɔf

²⁵ Hazɔ Hadata, Kɛrɩɔf Hɛzɩrɔŋ (ʋ nɛ ha Hazɔ),

²⁶ Amam, Sɛma, Molada,

²⁷ Haza Gada, Hɛsɛmɔŋ, Bɛf Pɛlɛt,

²⁸ Haza Sʋal, Bɛɛsɩba, Biziotia,

²⁹ Baala, Yim, Ɛzɛm,

³⁰ Elitola, Kɛsɩl, Hɔma,

³¹ Zɩkɩlag, Madɩmana, Sansana,

³² Lɛbaɔf, Sɩlɩhɩm, Aɩŋ arɩ Rɩmɔŋ. Ba tabalaa ŋaa mara arɩ nibi nɛ, a pɛ ba tabiisiŋ lɛ.

³³ Tasɩ-la ma sɩ hɛ dundollu-la sɩ hɛ peelee bʋbʋɔŋ nɛ ŋaa: Ɛsɩtɔl, Zora, Asɩna,

³⁴ Zanʋa, Ɛŋ-Ganɩm, Tapʋa, Ɛnam,

³⁵ Jamʋf, Adulam, Soko, Azɛka,

³⁶ Saarem, Aditem, arɩ Gɛdɛra (koo Gederatem). Ba ma tabalaa ŋaa fii arɩ banɛsɛ nɛ, a pɛ ba tabiisiŋ lɛ.

³⁷ Dɔnsʋŋ ma nɛ Zɛnaŋ, Hadasa, Mɩgɩdal Gad,

³⁸ Dɩlɩaŋ, Mɩzɩpa, Jokiteel,

³⁹ Lakɩs, Bozikaf, Ɛgɩlɔŋ,

⁴⁰ Kabɔŋ, Lamasɩ, Kɩtɩlɩs.

⁴¹ Gɛdɛrɔf, Bɛf Dagɔŋ, Naama arɩ Makɛda. Ba ma tabalaa ŋaa fii arɩ balɩdʋ nɛ arɩ ba tabiisiŋ.

⁴² Tasɩŋ dɔnsʋŋ ma nɛ: Lɩbɩna, Ɛta, Asaŋ,

⁴³ Ɩfɩta, Asɩna, Nɛzɩb,

⁴⁴ Kɛɛla, Akɩzɩb arɩ Marɛsa. Ba ma tabalaa ŋaa nibi nɛ a pɛ ba tabiisiŋ lɛ.

⁴⁵ Dɔnsʋŋ ma nɛ: Ɛkʋrɔŋ arɩ ʋ tabalaa arɩ tabiisiŋ sɩ gollu,

⁴⁶ tasɩŋ sɩ hɛ Ɛkʋrɔŋ wɩɩjʋʋlʋŋ arɩ tabiisi-la sɩ kpagɛ Asɩdɔd,

⁴⁷ Asɩdɔd arɩ ʋ tabalaa arɩ tabiisi-la sɩ gollu, Gaza arɩ ʋ tabalaa arɩ ʋ tabiisi-la sɩ gollu, a kɛŋ ŋɩɩ mʋ fuo-bie-la sɩ hɛ Ijipiti tinteeŋ bʋa arɩ mʋgʋ-bal-la ba sɩɩ yɩrɛ Mediterenia niiŋ.

⁴⁸ Peelee sɩ yʋga tintee-la lɛ tasɩŋ ma nɛ ŋaa: Samɩɩ, Jatɛ, Soko,

⁴⁹ Dana, Kɩrɩaf Sana (ʋ nɛ ha Dɛbɩ),

⁵⁰ Anab, Ɛsɩtɛmɔ, Anɩm,

⁵¹ Goseŋ, Holoŋ arɩ Gilo. Ba tabalaa ŋaa fii arɩ kʋbala nɛ a pɛ tabiisiŋ lɛ.

⁵² Tasɩ-la dɔnsʋŋ ma nɛ Arab, Dʋma, Ɛsaŋ,

⁵³ Janɩm, Bɛf Tapʋa, Afɛka,

⁵⁴ Humita, Kɩrɩaf Aaba (ʋ nɛ ha Hɛbʋrɔŋ) arɩ Zɩɔ. Ba tabalaa ŋaa nibi nɛ, a pɛ ba tabiisiŋ lɛ.

⁵⁵ Tasɩŋ dɔnsʋŋ ma nɛ: Mayɔŋ, Kamɛl, Zɩf, Jʋta,

⁵⁶ Jɛzɩrɛl, Jokidiam, Zanʋa,

⁵⁷ Kaɩŋ, Gɩbɩa arɩ Tɩmɩna. Ba tabalaa ŋaa fɩɩ nɛ, a pɛ ba tabiisiŋ lɛ.

⁵⁸ Dɔnsʋŋ ma nɛ Halɩhʋl, Bɛf Zuu, Gɛdɔ,

⁵⁹ Maaraf, Bɛf Anɔf arɩ Ɛlɩtɛkɔŋ. Ba tabalaa ŋaa balɩdʋ nɛ, a pɛ ba tabiisiŋ lɛ.

⁶⁰ Ba tasɩŋ dɔnsʋŋ ma nɛ: Kɩrɩaf Baal (ʋ nɛ ha Kɩrɩaf Jɩarɩm) arɩ Raba. Ba tabalaa ŋaa balɩa nɛ a pɛ ba tabiisiŋ lɛ.

⁶¹ Tasɩ-la ma sɩ hɛ tintee-hɩlɩŋ lɛ nɛ ŋaa: Bɛf Araba, Mɩdɩŋ, Sɛkaka,

⁶² Nɩbɩsaŋ arɩ tabal-la sɩ kɛŋ yɩsɩŋ arɩ Ɛŋ-Gedi. Ba tabalaa ŋaa balɩdʋ nɛ, a pɛ ba tabiisiŋ lɛ.

⁶³ Juda doho nɩaa bɩ wuo kiri Jebus tɩmma-la sɩ hɔŋ Jerusalɛm lɛ. A kaa kɔ arɩ jɩnɩŋ kala Jebus tɩmma-la ha hɛ Juda nɩaa tʋɔŋ.