ƐZƖRA 2 - WƖA TENIŊ

Nɩalɩŋ sɩ lɩɩ yoŋ-baga a mɩɩra kɔ Jerusalɛm

¹ Juu tɩmma-la fa sɩ hɛ yoŋ-baga lɛ, a lɩɩ Babɩlɔŋ tinteeŋ a mɩɩra kɔ Jerusalɛm arɩ Juda, ba kʋŋkala mʋ hɔŋ ba tasɩŋ lɛ. Babɩlɔŋ kuoro Nebukadineza nɛ fa yuo kɛsɛba kaa mʋ nɩmɛ.

² Ba sɩpaalaaraa nɛ fa ŋaa: Zerubabɛl, Jesua, Nɛhɩmaaya, Sɛraaya, Relaaya, Modikaaya, Bɩlɩsaŋ, Mɩsɩpaa, Bɩgɩvaɩ, Rehum arɩ Baana. Iziral tɩmma-la sɩ lɩɩ yoŋ-baga a kɔ arɩ ba doho nɩaa niiŋ nɛ ŋ-la:

³ Parɔs doho nɩaa fa ŋaa bʋɩ balɩa arɩ zɔlɔ arɩ mahɩŋ batori arɩ fii arɩ balɩa nɛ.

⁴ Sɛfatɩa ma doho nɩaa ŋaa zɔɔ-batori arɩ mahɩŋ batori arɩ fii arɩ balɩa nɛ.

⁵ Ara ma doho nɩaa ŋaa zɔɔ-balɩpɛ arɩ mahɩŋ batori arɩ fii arɩ banɔŋ nɛ.

⁶ Pahaf-Mʋab (Jesua arɩ Jʋab doho nɩaa) ma ŋaa bʋɩ balɩa arɩ zɔlɔ chori arɩ fii arɩ balɩa nɛ.

⁷ Ɛlam ma doho nɩaa ŋaa bʋɩ arɩ zɔɔ-balɩa arɩ mahɩŋ balɩa arɩ fii arɩ banɛsɛ nɛ.

⁸ Zatu ma doho nɩaa ŋaa zɔlɔ nibi arɩ mahɩŋ balɩa arɩ banɔŋ nɛ.

⁹ Zakaɩ ma doho nɩaa ŋaa zɔɔ-balɩpɛ arɩ mahɩŋ batori nɛ.

¹⁰ Banɩ ma doho nɩaa ŋaa zɔɔ-balɩdʋ arɩ mahɩŋ balɩa arɩ balɩa nɛ.

¹¹ Bɛbaɩ ma doho nɩaa ŋaa zɔɔ-balɩdʋ arɩ mara arɩ batori nɛ.

¹² Azɩgad ma doho nɩaa ŋaa bʋɩ arɩ zɔɔ-balɩa arɩ mara arɩ balɩa nɛ.

¹³ Adonikam doho nɩaa ma ŋaa zɔɔ-balɩdʋ arɩ mahɩŋ batori arɩ balɩdʋ nɛ.

¹⁴ Bɩgɩvaɩ doho nɩaa ma ŋaa bʋɩ balɩa arɩ mahɩŋ balɩa arɩ fii arɩ balɩdʋ.

¹⁵ Adɩŋ ma doho nɩaa ŋaa zɔɔ-banɛsɛ arɩ mahɩŋ balɩa arɩ fii arɩ banɛsɛ nɛ.

¹⁶ Ata (Hezikaaya doho nɩaa) ma ŋaa mahɩŋ banɛsɛ arɩ fii arɩ chori.

¹⁷ Bɛzaɩ ma doho nɩaa ŋaa zɔɔ-batori arɩ mara arɩ batori nɛ.

¹⁸ Jora doho nɩaa ma ŋaa zɔlɔ arɩ fii arɩ balɩa nɛ.

¹⁹ Hasum doho nɩaa ma ŋaa zɔɔ-balɩa arɩ mara arɩ batori nɛ.

²⁰ Giba doho nɩaa ma ŋaa mahɩŋ banɛsɛ arɩ fii arɩ banɔŋ nɛ.

²¹ Bɛtɩlɛhɛm nɩaa ma ŋaa zɔlɔ arɩ mara arɩ batori nɛ.

²² Netofa doho nɩaa ma ŋaa mahɩŋ balɩa arɩ fii arɩ balɩdʋ nɛ.

²³ Anatɔf doho nɩaa ma ŋaa zɔlɔ arɩ mara arɩ chori nɛ.

²⁴ Azɩmavɛf ma doho nɩaa ŋaa mahɩŋ balɩa arɩ balɩa nɛ.

²⁵ Kɩrɩaf Jɩarɩm, Kɛfɩra arɩ Bɛɛrɔf nɩaa ma ŋaa zɔɔ-balɩpɛ arɩ mahɩŋ balɩa arɩ batori nɛ.

²⁶ Rama arɩ Geba nɩaa ma ŋaa zɔɔ-balɩdʋ arɩ mara arɩ kʋbala nɛ.

²⁷ Mɩkɩmas doho nɩaa ma ŋaa zɔlɔ arɩ mara arɩ balɩa nɛ.

²⁸ Bɛtɛl arɩ Aɩ ma nɩaa ŋaa zɔɔ-balɩa arɩ mara arɩ batori nɛ.

²⁹ Nebo nɩaa ma ŋaa mahɩŋ balɩa arɩ fii arɩ balɩa nɛ.

³⁰ Magɩbɩs ma nɩaa ŋaa zɔlɔ arɩ mahɩŋ balɩa arɩ fii arɩ balɩdʋ nɛ.

³¹ Ɛlam nɩaa ma ŋaa bʋɩ kʋbala arɩ zɔɔ-balɩa arɩ mahɩŋ balɩa arɩ fii arɩ banɛsɛ nɛ.

³² Harɩm nɩaa ma ŋaa zɔɔ-batori arɩ mara nɛ.

³³ Lod, Hadɩ arɩ Ono ma nɩaa ŋaa zɔɔ-balɩpɛ arɩ mara arɩ banɔŋ nɛ.

³⁴ Jɛrɩko nɩaa ma ŋaa zɔɔ-batori arɩ mahɩŋ balɩa arɩ banɔŋ nɛ.

³⁵ Sɛnaa nɩaa ma ŋaa bʋɩ-batori arɩ zɔɔ-balɩdʋ arɩ mara arɩ fii nɛ.

³⁶ Wɩɩsʋllɩ sɩpaalaaraa sɩ lɩɩ yoŋ-baga kɔ arɩ ba doho nɩaa niiŋ nɛ ŋ-la: Jedaaya doho nɩaa (Jesua dɩa nɩaa) ma ŋaa nɩaa zɔlɔ nibi arɩ mahɩŋ batori arɩ fii arɩ batori nɛ.

³⁷ Ɩma doho nɩaa ŋaa bʋɩ arɩ mahɩŋ balɩa arɩ fii arɩ balɩa nɛ.

³⁸ Pasɩhɔ doho nɩaa ma ŋaa bʋɩ arɩ zɔɔ-balɩa arɩ mahɩŋ balɩa arɩ balɩpɛ nɛ.

³⁹ Harɩm doho nɩaa ŋaa bʋɩ arɩ fii arɩ balɩpɛ nɛ.

⁴⁰ Levi doho nɩaa sɩ ŋaa Jesua arɩ Kadɩmɩɛl (Hodavia dɩa nɩaa) ma ŋaa mahɩŋ batori arɩ fii arɩ banɛsɛ nɛ.

⁴¹ Yɩɩlɩ-yɩɩraa: Asaf doho nɩaa ma ŋaa zɔlɔ arɩ mara arɩ chori nɛ.

⁴² Nɩalɩŋ sɩɩ pɔ Wɩa dɩɩ-bal-la boi-baalaa nɛ ŋ-la: Salum doho nɩaa, Ata doho nɩaa, Talɩmɔŋ doho nɩaa, Akub doho nɩaa, Hatɩta arɩ Sobai doho nɩaa ma ŋaa zɔlɔ arɩ mara arɩ fii arɩ nibi nɛ.

⁴³ Wɩa dɩɩ-bal-la tɩntɩnnaa ma nɛ ŋ-la: Zɩha doho nɩaa, Hasufa doho nɩaa, Tabaof doho nɩaa,

⁴⁴ Kɛrɔs doho nɩaa, Sɩaha doho nɩaa, Padɔŋ doho nɩaa,

⁴⁵ Lɛbana doho nɩaa, Hagaba doho nɩaa, Akub doho nɩaa,

⁴⁶ Hagab doho nɩaa, Salɩmaɩ doho nɩaa, Hanaŋ doho nɩaa,

⁴⁷ Gɩdɛl doho nɩaa, Gaha doho nɩaa, Reya doho nɩaa,

⁴⁸ Reziŋ doho nɩaa, Nekoda doho nɩaa, Gazam doho nɩaa,

⁴⁹ Uza, Pasɩa, Bɛsaɩ,

⁵⁰ Asɩna doho nɩaa, Mewunim doho nɩaa, Nefusim doho nɩaa,

⁵¹ Bakɩbʋk doho nɩaa, Hakufa doho nɩaa, Haahɔ doho nɩaa,

⁵² Baziluf doho nɩaa, Mehida doho nɩaa, Haasa doho nɩaa,

⁵³ Baakus doho nɩaa, Sɩsɛra doho nɩaa, Tɛma doho nɩaa,

⁵⁴ Neziya arɩ Hatɩfa doho nɩaa.

⁵⁵ Solomoŋ tɩntɩnnaa doho nɩaa: Solomoŋ tɩntɩnnaa deemba doho nɩaa nɛ mɩɩra kɔ ŋɩɩ, Sɔtaɩ, Hasofirɛf, Peruda,

⁵⁶ Jaala, Daakɔŋ, Gɩdɛl,

⁵⁷ Sɛfatɩa, Hatɩl, Pɔkɛrɛf-Hazɛbem arɩ Ami.

⁵⁸ Wɩa dɩɩ-bal-la tɩntɩnnaa arɩ Solomoŋ tɩntɩnnaa doho nɩaa ŋaa zɔɔ-batori arɩ mahɩŋ banɛsɛ arɩ fii arɩ balɩa nɛ.

⁵⁹ Nɩaa deemba ma nɛ lɩɩ tasɩ-la ba sɩɩ yɩrɛ, Tɛl Mɛla, Tɛl Hasa, Kerub, Adɔŋ arɩ Ɩma a kɔ. Ama ba bɩ wuo dagɛ arɩ ba ŋaa Iziral tɩmma nɛ.

⁶⁰ Nɩaa deemba doho nɩaa nɛ ŋɩɩ, Delaaya, Tobia arɩ Nekoda, ba ŋaa nɩaa zɔɔ-balɩdʋ arɩ mahɩŋ balɩa arɩ fii arɩ balɩa nɛ.

⁶¹ Wɩɩsʋllɩ sɩpaalaaraa ma tʋɔŋ, nɩaa deemba doho nɩaa ma nɛ mɩɩra kɔ Jerusalɛm, Hobaaya, Hakɔs arɩ Bazɩlaɩ. (Ʋ fa jaa Gɩlɩad tɩŋŋaa Bazɩlaɩ tolo nɛ, ŋɩɩ nɛ ba joŋ yɩrɛ-la hɛ pʋ.)

⁶² Nɩaa deemba fa chɛ ba naabalɩmaba yɩraa tenniŋ ka nɛ, ŋɩɩ nɛ ba lɩɩsɛba ta Wɩɩsʋllɩ sɩpaalaaraa tʋɔŋ arɩ ba kɛŋ disiniŋ nɛ.

⁶³ Tinteeŋ nɩhɩaŋ kiriba dɩ ba sɩ́ kʋdiile-la sɩ ŋaa Wɩa kʋzɔmɔ dii, see dɩ Wɩɩsʋllɩ sɩpaalaara kɛŋ Urim arɩ Tumim chɛ na.

⁶⁴ Nɩalɩŋ kala fa ŋaa bʋɩ mahɩŋ balɩa arɩ balɩa arɩ zɔɔ-batori arɩ mahɩŋ batori nɛ,

⁶⁵ a pɛ ba tɩntɩnnaa baalaa arɩ haalaa sɩ ŋaa bʋɩ balɩpɛ arɩ zɔɔ-batori arɩ mara arɩ fii arɩ balɩpɛ lɛ. Ba fa kɛŋ baalaa arɩ haalaa ma zɔɔ-balɩa nɛ sɩ ŋaa yɩɩlɩ-yɩɩraa.

⁶⁶ Ba fa kɛŋ janɩŋ zɔɔ-balɩpɛ arɩ mara arɩ fii arɩ balɩdʋ a pɛ kakusuŋ sɩ nagɛ janɩŋ zɔɔ-balɩa arɩ mahɩŋ balɩa arɩ banɔŋ lɛ.

⁶⁷ Bʋntaŋŋaba ma ŋaa zɔɔ-banɛsɛ arɩ mara arɩ fii arɩ banɔŋ, a pɛ kakusuŋ bʋɩ balɩdʋ arɩ zɔɔ-balɩpɛ arɩ mara.

⁶⁸ Ba sɩ mɩɩra kɔ La TƖƖNA dɩɩ-bal-la sɩ hɛ Jerusalɛm lɛ, ŋɩɩ nɛ dɩa dɩa nɩhɩasɩŋ dɔnsʋŋ joŋ ba tʋɔtɔrɛ kɩaa pa dɩ ba kaa wasa saa Wɩa dɩɩ-bal-la, dɩ ʋ chɩŋ ʋ dɩchɩnɩŋ.

⁶⁹ Ba kʋŋkala doluŋ sɩ magɛ ŋɩɩ nɛ ba kɩɛsɛ kɩaa dɩ ba kaa tɩŋ tɩntɩmɩŋ deeŋ. Kɩalɩŋ ba sɩ kɩɛsa nɛ, sɛlɩmɛ yuŋuŋ sɩ ŋaa kilo zɔɔ-banɔŋ, hɔpʋla yuŋuŋ sɩ ŋaa kiloba bʋɩ balɩa arɩ zɔlɔ chori arɩ Wɩɩsʋllɩ sɩpaalaaraa gɛnnɩŋ zɔlɔ.

⁷⁰ Wɩɩsʋllɩ sɩpaalaaraa, Levi doho nɩaa, yɩɩlɩ yɩɩraa, nɩalɩŋ sɩɩ pɔ Wɩa dɩɩ-bal-la boi-baalaa, arɩ nɩalɩŋ sɩɩ tɩŋ Wɩa dɩɩ-bal-la lɛ a pɛ nɩaa dɔnsʋŋ lɛ mɩɩra mʋ hɔŋ tasɩ-la lɛ ba naabalɩmaba sɩ lɩa lɛ, ka Iziral tɩŋŋaa nɩkaana-la hɔŋ ba tasɩŋ lɛ.