Stori abaotem Job 25 - Pijin Bible

Mektri toktok blong Bildad

¹ Bildad from Sua hemi tok olsem:

² God hemi garem evri paoa fo kontrolem evrisamting, an paoa blong hem i mekem evriwan fo tinghae long hem. Hemi save stretem evrisamting long heven.

³ No eniwan nao save kaontem olketa enjel insaet long ami blong hem. An laet blong hem hemi saenaot go long evri ples.

⁴ ?Hu nao hemi stret nomoa long ae blong God? Ating no eniwan wea hem bon kam long wol hemi klin long ae blong God.

⁵ Taem God hemi luk long mun an olketa sta, olketa nating braet o klin nomoa long ae blong hem.

⁶ So taem hemi luk kam long yumi man, yumi barava samting nating nomoa long ae blong hem. Long lukluk blong hem, yumi pikinini blong man i olsem olketa wom nomoa.