Debleskri gili 67 - O Debleskro Drom 2021 (Sinte)

O Debleskri bacht well pral i phub

¹ I gili o rajeske pral i gipangre, te giwell pash o bashepen ap i dorjengre bashepangre.

² Dewel, kre tiro dji menge pre, un tchip tiri bacht ap mende! Dik tu latches ap mende!

³ Palle dikenn i menshe ap i tseli phub, har tu sikreh men tiro drom. Un i menshe an i tsele themma dikenn har tu leh men win dran o tchilatchepen.

⁴ Maro Dewel, mu parkrenn pen pash tute i menshe dran hake themma, mu sharenn le tut halauter!

⁵ Mu stenn un giwenn le i bachtjatar: Te rakreh tu o tchatchepen win pral lende, djah tu pal o tchatchepen. Pral hake themma ap i phub hal tu o rai.

⁶ Maro Dewel, mu parkrenn pen pash tute i menshe dran hake themma, mu sharenn le tut halauter!

⁷ I phub mukas latcho chapen bares te well; o Dewel, maro Dewel das men bacht.

⁸ Awa, o Dewel das men bacht. Mu hadenn les hake menshe ap i phub!