Debleskri gili 54 - O Debleskro Drom 2021 (Sinte)

Jek, kai well palla lino, dell gole ap o Debleste

1-2 I gili o rajeske pral i gipangre, te bashrell ap i dorjengri bashepaskri. O David tchinas koi gili, har kol mursha dran Sif pash o Saul wan un penan: “O David rikrell pes pash mende khatemen.”

^1-2 I gili o rajeske pral i gipangre, te bashrell ap i dorjengri bashepaskri. O David tchinas koi gili, har kol mursha dran Sif pash o Saul wan un penan: “O David rikrell pes pash mende khatemen.”

³ Miro Dewel, sike koon tu hal un ab ap miri rig! Sike tiri soor un kre, te lap miro tchatchepen!

⁴ Miro Dewel, shun miro mangepen! Shun o rakepen, hoi dran miro mui wella!

⁵ Menshen, kai me gar prindjrau, kolla hadenn pen ap mande, depangre kamenn man te marell. O Dewel hi len gar glan i jaka.

⁶ Tu, miro Dewel, weh ap miri rig. Tu, miro rai, hal kowa, kai man rikrella.

⁷ Tu deh kolen ko tchilatchepen pale, hoi jon kaman ap mande te anell. Sike mande, te hal mantsa, un le len krik kai phubjatar!

⁸ Palle anau me tuke latcho koowa i bachtelo djijeha, un sharau tut, baro Dewel, tu hal jaake latcho.

⁹ Tu lal man win dran o tselo koowa, hoi mange o djipen phares kras. Kanna nai dikau tele ap kolende, kai kaman man te marell.