Debleskri gili 129 - O Debleskro Drom 2021 (Sinte)

O Israeleskro pharo djipen

1 I gili te giwell ap o drom an Jerusalem.

¹ I gili te giwell ap o drom an Jerusalem. Bud kope kran le mange o djipen phares jaake rah har djiwau, – kowa hunte penell o kheer Israel –

² bud kope kran le mange o djipen phares. Mulo nai dan le man gar.

³ Miro dumo dan le pre, har i hacho i phub pre dell un lengste tchinepangre krell.

⁴ An peskro tchatchepen das o baro Dewel kol shelle paash, kolentsa i tchilatche man pandan.

⁵ Kolla, kai choirenn pen ap o foro Jerusalem, kamoms, te tserdenn le pen pale un hunte ladjenn pen!

⁶ Lenge te djal har o khass, hoi pral ap o kheer pre djal: Kowa hi gomme gar baro, koi well lo truk.

⁷ Kek hacho tchinell les tele, un witar kek pandell les khetne.

⁸ Un kek, kai kote ap o drom djal, penell ap lende: “O baro Debleskri bacht well ap tumende! Mer rakrah bacht pral tumende an o baro Debleskro lab.”