Debleskri gili 127 - O Debleskro Drom 2021 (Sinte)

Te dell o Dewel gar peskri bacht ap mari budi, hi kaja tchitcheske

1 I gili o Salomestar te giwell ap o drom an Jerusalem.

¹ I gili o Salomestar te giwell ap o drom an Jerusalem. Te krell o baro Dewel gar o kheer, palle budrenn i budepangre tchitcheske. Te dell o baro Dewel gar jak ap o foro, palle hi tchitcheske, te denn mursha jak ap o foro.

² Tchitcheske hi, te stenn tumer sik taissarlakro pre, un han beshdo bis an i rat, un marenn tumen tele, te lenn tumaro chapen. Kowa dell o baro Dewel peskre malen an o sopen.

³ Tumare tchawen das o baro Dewel tumende. Hi i kutch koowa, te nai lell jek tchawe.

⁴ Sorele mursh tchawe hi pengro dadeske har faile, hoi i kurepaskro an o wast hidjrell, te dell lo karje.

⁵ Bachtelo hi kowa, koles bud kolendar pash peste hi. Te well i doosh ap leste anlo, wenn le leske ap i rig, te lell lo peskro tchatchepen.