Debleskri gili 124 - O Debleskro Drom 2021 (Sinte)

Hoi wals, te wals o baro Dewel gar ap mari rig?

1 I gili o Davidestar te giwell ap o drom an Jerusalem.

¹ I gili o Davidestar te giwell ap o drom an Jerusalem. Hoi wals, te wals o baro Dewel gar ap mari rig? Pen les mange, tu Israel!

² Te wals o baro Dewel gar ap mari rig, har i menshe pre djan ap mende,

³ palle chans le men djides pre an pengri bari choli ap mende.

⁴ Palle tassals men o pani, hoi pral mende was, un tserdals men peha,

⁵ un tchakrals men tel peste.

⁶ Sharedo well o baro Dewel! Job mukas men gar mank lengre danda.

⁷ Mer nai nasham menge har i tchirklo, dran koi netsa, hoi i tchirklengro pral leste witsras. Koi netsa was paash kerdo, un mer wam win.

⁸ Kowa hi o baro Dewel, kai las men win, job, kai o bolepen un i phub kras.