Debleskri gili 67 - O Debleskro Lab 2024 (Sinte-Manouche)O Debleskri barht vell pral i phoub 1 I gili o rayeske pral i gipangre, te givell pash o bashepen ap i doryengre bashepangre. 2 Devel, kre tiro dji menge pre, oun čip tiri barht ap mende! Dik tou lačes ap mende! 3 Palle dikenn i menshe ap i tseli phoub, har tou sikreh men tiro drom. Oun i menshe an i tsele themma dikenn har tou leh men vin dran o čilačepen. 4 Maro Devel, mou parkrenn pen pash toute i menshe dran hake themma, mou sharenn le tout halauter! 5 Mou stenn oun givenn le i barhtyatar: Te rakreh tou o čačepen vin pral lende, djah tou pal o čačepen. Pral hake themma ap i phoub hal tou o ray. 6 Maro Devel, mou parkrenn pen pash toute i menshe dran hake themma, mou sharenn le tout halauter! 7 I phoub moukas lačo rhapen bares te vell; o Devel, maro Devel das men barht. 8 Ava, o Devel das men barht. Mou hadenn les hake menshe ap i phoub! |
Tous droits réservés
Le contrat de licence autorise une utilisation non commerciale du texte. Toutefois, les modifications du texte sont interdites. Le titulaire des droits, Romanes-Arbeit-Marburg e.V., doit être mentionné à chaque publication. Pour toute distribution commerciale, un éditeur doit demander l’autorisation écrite du titulaire des droits.
Romanes-Arbeit Marburg e.V.