Zaburey 99 - Songhai de Gao Bible

Abadantaa ti Kokoy henanantaa

¹ Abadantaa ti Kokoy, jamawey ga jijiri. A goo ma goro almalaykey boŋ kaŋ se i ga nee šeribey. Laboo ga jijiri.

² Abadantaa ga beeri Siyoŋ koyraa ra, nga no ka jerandi ka bisa jamawey kul.

³ Yala i ma ni maaɲoo saabu kaŋ ga beeri, a ga hunburandi, a ga henan.

⁴ I ma Kokoyoo kaŋ ga baa šerretaray hinoo mo saabu. Ni no ma cimoo tabatandi, ni no ma cimi nda šerretaray tee Yakuba borey ra.

⁵ Wa Abadantaa, ir Koyoo jer, wa sujudu nga cee-jisidogoo jine, zama a ga henan.

⁶ Musa nda Haruna kaŋ goo nga sargari juwalkey ra, Samiyel kaŋ goo borey ra kaŋ ga maaɲoo cee, i na Abadantaa cee, a nʼi zaabi.

⁷ A šelaŋ i se duulaa kaŋ ga kay ra, i na nga seedetarawey dii nda yaamaroo kaŋ a nʼi noo i se.

⁸ Abadantaa, ir Koyoo, ni kʼi zaabi. Ni tee i se Koy kaŋ ga yaafa, amma nʼga ngi teegoy futawey bana i ra.

⁹ Wa Abadantaa, ir Koyoo jer, wa sujudu nga tondi hondu henanantaa here, zama Abadantaa, ir Koyoo ga henan.