Zaburey 23 - Songhai de Gao Bible

Abadantaa ti ay kurkaa

1 Woo ti Dawda zabur foo.

¹ Woo ti Dawda zabur foo. Abadantaa ti ay kurkaa, ay si jaŋ haya kul.

² A gʼay gorandi kurdoo firzanteyaŋ ra, a gʼay gongu ka koy hari henney here.

³ A ga albarka daŋ ay hunaroo ra, a gʼay daŋ fondo šerranteyaŋ ra nga maaɲoo maaganda se.

⁴ Ba nda ay ga dira gooroo ra kaŋ ra buuyan biyoo goo, ay si hunbur haya kul, zama ni goo ay bande, ni kurkaw goboo nda ni kabe goboo gʼay noo lakkalkanay.

⁵ Nʼga ŋaayan gorandi ay jine, kʼay torrokey tenje, nʼgʼay boŋoo yon nda jii, kʼay potoo too hala a ma mun.

⁶ Nhuu, gomni nda borohennataray goo ay bande ay hunaroo kul ra, ay ga yee kate Abadantaa hugoo ra, waatoo kul kaŋ cindi ya ne ra.