Zaburey 20 - Songhai de Gao Bible

Abadantaa, kokoyoo hallasi

¹ Donkey boŋkoynoo ka woo don. Woo ti Dawda zabur foo.

² Yala Abadantaa ma ni zaabi binemarayyan zaari hane ra, yala Yakuba Koyoo maaɲoo ma ni hallasi!

³ Yala a ma faaba sanba ma ne ka hun nongu henanantaa ra, yala a ma ni noo albarka kaŋ hun Siyoŋ koyraa ra.

⁴ Yala a ma honga ni taasu sargarey kul, yala a ma ni sargari kukurantey taa. Kay-kayna

⁵ Yala a ma ni noo hayaa kaŋ ni binoo ga bagʼa, yala a ma yadda hayey kul ga kaŋ nʼga baa mʼi tee!

⁶ Ir ga kaati nda ɲaali ni hallasiroo maaganda, ir ga liiliwaloo jer ir Koyoo maaɲoo ga, Abadantaa ma hayey kul kaŋ nʼnʼi ŋaaray yakubar.

⁷ Sohõ ay bay kaŋ Abadantaa ga nga suubantaa kaŋ yonandi hallasi, a ga tuuru a se ka hun nga beenaa nongu henanantaa ra nda nga kabe gumaa albarkantaa faabaroo.

⁸ Boro fooyaŋ si wakkal kala bari torkawey ga, affooyaŋ si wakkal kala baryey ga. Ir, Abadantaa, ir Koyoo maaɲoo ga ir ga wakkal.

⁹ Ngi, i ga gunguma, i ga kaŋ, ir, ir ga kay, ir ga albarka.

¹⁰ Abadantaa, kokoyoo hallasi! Yala a ma tuuru ir se han kaŋ ir nʼa ŋaaray!