Zaburey 130 - Songhai de Gao Bible

Ay binemaraa ra, ay ga Abadantaa cee

1 Woo ti žigiyanoo dooni foo.

¹ Woo ti žigiyanoo dooni foo. Ay goo guusu beeriyaŋ ra kaŋ ay ga ni cee, Abadantaa.

² Abadantaa, haŋajer ay jindoo se! Yala ma haŋajer ay suurandiyaney se.

³ Abadantaa, nda a gar ni mmʼir laybey guna, ay Koyoo, may no ma hin ka kay ni jine?

⁴ Amma ni do yaafayan ga duwandi hala borey ma hunbur ni.

⁵ Ay ga naata Abadantaa ra, ay hundoo ga naata, ay ga naata nga meešennoo ga.

⁶ Ay hundoo gʼay Koyoo batu ka bisa takaa kaŋ nda koyraa lakkalkey ga subbaahoo kaayanoo batu, koyraa lakkalkey ga subbaahoo kaayanoo batu.

⁷ Izirayel, ma Abadantaa batu! Zama borohennataray si duwandi kala Abadantaa do, de mo feeriyan beeri goo a do.

⁸ Nga no ma Izirayel feeri ka hun nga laybey kul ra.