Zaburey 13 - Songhai de Gao Bible

Abadantaa, hala waati foo no nʼga fay nda ka dirɲa agay?

¹ Donkey boŋkoynoo ka woo don. Woo ti Dawda zabur foo.

² Abadantaa, hala waati foo no nʼga fay nda ka dirɲa agay? Hala waati foo no nʼga fay nda ka ni ndumoo tugu ya ne?

³ Hala waati foo no agay alhuzunoo ga ben? Binehẽenoo kaŋ goo ay ra zaari kul, han foo no a ga ben? Hala waati foo no agay iberoo ga fay nda ka kay ya ne?

⁴ Guna, tuuru ya ne, Abadantaa, ay Koyoo! Ay moɲey feeri, hala ay moɲey masi koy daaba ka buu,

⁵ hala agay iberoo masi kaa ka nee kaŋ nga hin agay, nda ay kaŋ, agay nkuwawey masi kaa ka ɲaali.

⁶ Woo kul, ay naanay ni borohennataraa, ay binoo ga ɲaali nda hallasiroo kaŋ hun ni do. Ay ga don Abadantaa se, zama a na gomni tee ya ne.