Zaburey 129 - Songhai de Gao Bible

Abadantaa ga šerre

1 Woo ti žigiyanoo dooni foo.

¹ Woo ti žigiyanoo dooni foo. Za ay zankataraa ga cee booboyaŋ i nʼay farandi, Izirayel mʼa har ka nee kaŋ

² za ay zankataraa ga cee booboyaŋ i nʼay farandi, amma i mana hin agay.

³ I na žeeri kuku kaa ay dumaa ra, sanda takaa kaŋ nda beerikaw ga beeri.

⁴ Abadantaa ga šerre, a na karfoo dunbu kaŋ nda boro laaley nʼay haw.

⁵ Borey kul kaŋ ga konna Siyoŋ koyraa ma haw, i ma yee nda banda!

⁶ Yala i ma tee sanda suboo kaŋ ga zay sooro boŋ, a ga kogu za i manʼa dunbu.

⁷ Hegaykaa si nga kaboo too a ra, jeeni hawkaa mo si nga gandey too a ra.

⁸ Bisakey si nee: «Abadantaa ma albarka daŋ war ra. Ir ga gaara war se Abadantaa maaɲoo ga.»