Zaburey 124 - Songhai de Gao Bible

Ir faabaroo si hun kala Abadantaa do

1 Woo ti žigiyanoo dooni kaŋ Dawda nʼa don.

¹ Woo ti žigiyanoo dooni kaŋ Dawda nʼa don. Nda a gar Abadantaa nka sii ir bande, Izirayel mʼa har ka nee kaŋ

² nda a gar Abadantaa nka sii ir bande waatoo kaŋ ra borey tun ir se,

³ i gʼir gon ka gar ir ga huna, waatoo kaŋ i futu ir ga,

⁴ haroo gʼir yoole, isaa gʼir daabu,

⁵ bonday futawey gʼir kar ka bisa.

⁶ Albarka ma bara Abadantaa se kaŋ mana naŋ ir ma tee ham hiɲey ra!

⁷ Ir hundoo hallasi sanda ciraw kaŋ hun ciraw hookey kumsaa ra. Kumsaa dunbu, ir zuru.

⁸ Ir faabaroo sii kala Abadantaa maaɲoo ra, nga kaŋ na beenaa nda laboo tee.